一公升眼淚

出自維基百科,自由嘅百科全書
跳去: 定向搵嘢

一公升眼淚》(1リットルの涙),又叫《一公升的眼淚》,係一部日本文學作品,作者木藤亞也(木藤亜也,1962年7月19日—1988年5月23日)。本書已經改成電影同電視劇集,故事由作者親述自己嘅真實際遇。

故事內容[編輯]

故事講述15歲少女木藤亞也考到自己心儀嘅高中,但好快佢發現自己患咗「脊髓小腦變性症」,呢個病主要係人嘅脊髓同小腦響唔知原因情況下萎縮,引致心智完全正常之下控制唔到身體。自始令到佢生活慢慢好多事都做唔到,初時常常跌到。之後行路都要靠輪椅,最後連講嘢都講唔到。今時今日呢個病都唔係咁清楚,莫講話1978年嗰陣,主角更加無能為力。響1988年5月23日,亞也佢25歲,發病十年終於結束短暫一生。佢阿媽木藤潮香將佢病時所寫既日記同文章結集出書,成為呢本《一公升的眼淚》,響1986年出版至今喺日本已經賣過210萬本。2004年故事改編做電影,感人無數,響2005年再改編做電視劇。

電視版[編輯]

《一公升的眼淚》電視劇已經喺2005年10月11日到12月20日每逢星期二嘅21:00—21:54時段(日本時間)於富士電視台播放。平均收視率為15%。並喺2006年10月15日開始於香港無綫電視翡翠台播放。

主要角色[編輯]

劇集嘅主角。活躍積極嘅性格令她非常受到四周圍嘅人喜愛。平日有喺自己屋企人經營嘅豆腐店幫手,屬於心地善良嘅優等生。由初中開始就開始打籃球。喺2005年3月,正臨近應考高中入學試嘅時候,以15歲之齡患上脊髓小腦變性症。喺病情發展期間經歷各種各樣嘅事,一面流著眼淚嘅同時,一面努力面對疾病同命運。喺絕望之中,受到媽媽潮香嘅鼓勵,以寫日記(文章)搵到自己嘅生存意義。一直抱著嘅願望係可以幫倒人。劇中最後喺25歲嗰時去世。
亞也嘅阿媽,職業係保健師。係一名盡心盡力,聰明同仁慈嘅女人。但係,另一方面有時亦會顯現出嚴厲嘅一面。即使喺面對病情逐步發展嘅亞也嗰時抱持著不安同埋各樣問題,仍然能夠以作為保健師嘅知識、以作為一個媽媽嘅關愛同埋勇氣,同屋企人一起持續努力噉支持亞也。冇幾耐之後,因為佢對亞也所講嘅一番話,畀咗亞也一個人生嘅大方向。
  • 麻生遙斗(麻生 遥斗,15歲→20歲)- 錦戶亮
亞也嘅同學兼戀人,隸屬生物部。屬於獨立思考並且行動嘅類型。笨拙頑固嘅個性同爸爸一模一樣。因為哥哥意外身故嘅關係,令佢同爸爸嘅關係變得對立,亦變得唔肯向人哋打開自己嘅心。對於有關亞也嘅事,唔只愛佢,亦處處維護佢。由於有呢種諗法,冇幾耐之後就決定咗自己未來嘅路向,入讀常南大學醫學部。
亞也嘅阿爸,豆腐店嘅老闆。一方面畀人天真,單純同有膽量嘅印象,有時睇起嚟又好孩子氣,亦有感情脆弱嘅一面,係喺小商業社區成長嘅典型人物。作為爸爸,佢同潮香同埋仔女一齊持續支持亞也。喺池內家之中,係繼亞也之後另一個被描寫喊得最多嘅人。如果以「靜」來比喻潮香嘅眼淚,佢嘅眼淚就應該歸類為「動」。
  • 池內亞湖(池内 亜湖,13歲→18歲)- 成海璃子
亞也嘅大妹。由於正處於第二次反叛期當中,因此經常同阿爸嘈嘴。好鍾意打扮,亦非常擅長畫畫。後來繼承家姐嘅願望,進入家姐原本就讀嘅東台高中。隨著亞也病情的發展,令佢本來和善嘅性格續漸表露出來。
亞也嘅細佬,鍾意踢波。雖然因為亞也病咗,喺感情上有時受到四周圍嘅人傷害,但基本上仍然係一個性格堅強嘅細路。
亞也嘅細妹。同亞湖一樣有繪畫才能
亞也嘅負責醫生。喺常南大學附屬醫院嘅神經內科度做。專科係脊髓小腦變性症嘅治療同埋研究。本身喺支持亞也同佢嘅父母同時,自己亦受到努力面對疾病嘅亞也影響而有所改變,亦係其中一個對遙斗帶來巨大影響嘅人。
遙斗嘅爸爸。本身係常南大學附屬醫院外科部長。為人一本正經,但性格笨拙頑固。由於長子意外身故,變得同遙斗保持距離,不過實際上就經常擔心遙斗。後期係其中一個對遙斗影響至大嘅人。
亞也嘅學長,隸屬男子籃球部。亞也喺中學時代開始暗戀嘅對象,但自亞也患病後開始疏遠亞也。
亞也喺東高中嗰時嘅班主任,同時係女子籃球部嘅顧問。為人明朗快活,幾受學生愛戴,不過有時亦會顯露出敷衍了事嘅一面。
  • 杉浦真理(杉浦 まり,15歲→18歲) - 小出早織
亞也嘅同學,中學時代開始已經係好好嘅朋友。隸屬女子籃球部。
亞也嘅同學,同班兼一樣隸屬女子籃球部而成為朋友。
亞也嘅同學,係遙斗中學時代以來嘅好友。性格樂觀,隸屬生物部。
  • 中原慶太(15歲→18歲) - 橋爪遼
亞也嘅同學,面上經常流露出認真嘅表情。隸屬生物部。對於生物嘅知識有好高嘅造詣。
亞也喺養護學校嘅同學兼宿舍同房,比亞也大一歲。本身係水野宏以前負責嘅病人,喺14歲嗰時患上脊髓小腦變性症。劇中喺第7同埋第9集出場。病情進行嘅階段比亞也更加嚴重,但仍然可以以天生嘅開朗同剛毅嘅精神面對疾病。角色就好似係亞也嘅好朋友,好前輩,好家姐噉。
明日美嘅媽媽,第7集出場。作為一個有患上同樣疾病嘅女兒嘅媽媽,以前輩嘅身份,鼓勵由於水野介紹而到養護學校探訪嘅亞也媽媽。
亞也喺養護學校嘅班主任,喺第9同埋第10集出場。對於驚症狀每日都喺度惡化,同唔願意接受自己係殘障人士呢個事實嘅亞也,有時會幾嚴厲噉說教。同西野良三相比,年紀比較輕,亦比佢更加衷心噉接受同埋認同亞也。第10集嗰時同高野喜一結婚。
養護學校嘅義工,藤村圓嘅戀人,由第9集到最後一集出場。正式嘅工作是「文藝綜合出版」嘅營業員。第10集拜訪潮香做嘢嘅地方,邀請潮香等出席佢同藤村圓婚禮嘅同時,請求出版亞也嘅文章。呢個請求喺冇幾耐之後,實現咗亞也一直以來嘅心願。
  • 油豆腐(狗)

製作人[編輯]

  • 原作:木藤亞也
  • 劇本:江頭美智留、大島里美、橫田理惠
  • 企劃:關谷正征、中村百合子
  • 製作:貸川聡子
  • 導演:村上正典、木下高男
  • 配樂:上田益

主題曲[編輯]

日本[編輯]

  • 「Only Human」 - K
作詞:小山內舞 作曲:田中直/松尾潔 編曲:田中直
  • 「粉雪」 - レミオロメン
  • 「3月9日」 - レミオロメン

香港[編輯]

  • 「固執」 - 陳柏宇

作詞:甄健強 作曲:田中直/松尾潔 編曲:田中直

播放日期、副題同收視率[編輯]

各集 播放日 副題 收視率
第1集 2005/10/11 某個青春的開端 13.5%
第2集 2005/10/18 15歲,悄悄靠近的病魔 15.1%
第3集 2005/10/25 疾病為何選上了我 13.5%
第4集 2005/11/01 二人的孤獨 12.3%
第5集 2005/11/08 殘障者手冊 14.6%
第6集 2005/11/15 無情的視線 15.2%
第7集 2005/11/22 我所歸屬的地方 16.2%
第8集 2005/11/29 一公升的眼淚 15.4%
第9集 2005/12/06 活在當下 15.5%
第10集 2005/12/13 情書 16.6%
第11集 2005/12/20 到遠方去,那沒有眼淚的場所 20.5%
特別編 2007/04/05 追憶 17.0%

平均收視 15.3%

(收視率為日本關東地區嘅收視率同埋由Video Research社調查)