一孩政策，中國大陸官方叫計劃生育政策，係中華人民共和國嘅計劃生育政策，由1979年開始隨住改革開放一齊推行，規定中國大陸嘅城市人只係可以生一個仔女，生第二個就要審核批准。例外嘅就只係農村人、少數民族或者兩公婆都係獨仔獨女。
呢項政策雖然控制到中國大陸嘅人口增長，但亦都帶嚟唔少問題，例如強制避孕、強制墮胎同虐殺女嬰等。而一孩政策下出世嘅一代，冇兄弟姊妹，大陸人叫佢哋做「小皇帝」（即係皇帝仔）。
