七一遊行

出自維基百科,自由嘅百科全書

七一大遊行,係7月1號喺香港舉行嘅大型遊行,第一次喺1997年2003年嘅主題係反對《香港基本法》第23條立法,係1989年100萬人上街之後最大嘅遊行。(睇下八九民運)

背景[編輯]

香港主權喺1997年由英國交畀中華人民共和國以嚟,香港市民支援愛國民主運動聯合會(支聯會)都會喺7月1號(回歸紀念日假)遊行去政府總部,表達希望加快中國同埋香港民主步伐。

1997年7月1號下午,支聯會以「愛國愛港民主大遊行」嘅名義,冒雨由銅鑼灣遊行到中環政府總部。口號係「結束一黨專政,建設民主中國」;遊行開始嗰陣有八百幾個市民參加,但去到灣仔嗰陣就加到2300人,警方就估計人數有4000人(支聯會就估計有3000人,多過支聯會預先通知嘅2000人),就口頭警告支聯會,張文光就話警方以前從來都冇咁樣警告支聯會,希望呢件只係巧合事件,而警方就表示期望主辦團體可以更準確咁做計遊行人數。遊行隊伍最後抵達政府總部出面,由司徒華代表遞交意見書畀特首代表之後和平散去。

2003年,《基本法》23條立法嘅爭議改變咗原定嘅計劃。政府想趕及喺2003年7月9號將《國家安全(立法條文)條例》(又稱「二十三條」)草案提交立法會通過。當時由多個反對立法嘅民間團體組成嘅民間人權陣線(簡稱「民陣」)舉辦咗7月1號嘅遊行,號召市民上街表達反對立法嘅意願。

七一遊行,除咗係因為二十三條立法將會損害香港嘅民主自由之外,部份市民對行政長官董建華同埋佢帶領嘅特區政府施政(特別係董建華連任後嘅2002年7月-2003年7月期間)嘅不滿亦都係主要唔少市民上街嘅原因之一,呢次遊行將自1997年主權移交後政府嘅各種施政失誤、市民對經濟不景、失業率偏高、同埋其他民生問題所帶嚟嘅戾氣引發出嚟。

重有,財政司司長梁錦松偷步買車事件保安局葉劉淑儀喺二十三條立法嘅推銷過程中嗰一種強硬兼唔願協商嘅態度同埋衛生福利及食物局楊永強沙士爆發嗰陣隱暪疫情嘅責任問題亦促成咗導火線。

2003年[編輯]

2003年7月1號,「民陣」舉辦「七一」遊行。之前,有人喺網上呼籲參加者着黑色衫,以示抗議立法,所以當日大部份人士都著咗黑衫遊行。遊行隊伍原定喺當地時間下晝兩點半,由銅鑼灣維多利亞公園足球場出發,經怡和街軒尼詩道金鐘道皇后大道中,最後抵達喺炮台里嘅政府總部。

而當時親北京嘅香港工會聯合會租用咗維多利亞公園一共八個之中嘅六個足球場,舉辦慶祝香港主權移交中國 6 週年紀念嘅嘉年華。工聯會聲稱有五萬幾人參加嗰項活動,而事後報導話不足五千人。超過二十萬名參與大遊行嘅市民就喺淨番嗰兩個足球場度集合。由於太迫同埋天氣炎熱,有遊行人士感到不適要送院治理。根據香港天文台紀錄,嗰日平均氣溫超過攝氏三十三度,並且發出咗酷熱天氣警告。

出席遊行嘅人數,以至遊行嘅路線,都遠遠超乎主辦團體嘅意料。當時大批著黑衫嘅市民由銅鑼灣同天后地鐵站湧入指定集合地點。有鑑於以往遊行進行期間,警方指大多數遊行人士乃中途插隊,部份亦會中途離開,所以將遊行人數嘅估計大幅減少,所以,為咗俾警方點算正確遊行人數,唔少市民堅持要進入維多利亞公園範圍,令人龍擠在維多利亞公園周邊道路,一直東延至炮台山站附近。遊行隊伍喺2時半出發,龍尾到咗晚上接近10時先至抵達政府總部。由於人數太多,大部分嘅遊行人士改喺中環雪廠街附近做終點。主辦團體估計遊行人數超過50萬,而警方就只係公佈當日下午六時嘅參與遊行人數為35萬人(數字並未包括之前已抵達政府總部並已散去嘅市民)。事後警方承認低估咗遊行人數。遊行雖以反對23條立法為主題,遊行人士同時提出咗不同嘅訴求,例如要求董建華落台、官員梁錦松葉劉淑儀辭職、加快民主步伐等。另外,部份遊行人士不滿特區政府處理非典型肺炎(SARS)嘅手法,導致 300 多人染病死亡嘅悲劇,因而要求追究責任。遊行和平進行,普遍認為反映香港的公民素質良好。

影響[編輯]

事後,由於參與遊行嘅人數多過政府預期好多,為咗減少民怨,政府就23條立法作出咗 3 項讓步。7月5日,董建華宣佈修改原草案條文,又認為修訂已釋除公眾嘅疑慮,決定如期將23條立法交俾立法會恢復二讀三讀7月7號,行政會議成員自由黨主席田北俊突然辭去咗行政會議成員一職,自由黨知道如繼續支持政府立法,會有破壞性嘅後果,所以宣佈唔再支持政府嘅草案。政府明白草案冇辦法喺立法會通過,宣佈撤回草案。不過,7月9號仍然有5萬幾人喺立法會門外舉行「七九燭光晚會」,以示對成個運動嘅支持。

中共政黨民建聯貫徹支持盡快立法,喺成個立法過程裏面,不斷總動員支持立法。違背「七一」遊行反對立法嘅訴求,令到部分市民對民建聯產生負面評價,導致民建聯喺2003年11月23號嘅區議會選舉慘敗,議席減少咗差唔多三份之一,就算係立法會議員劉江華同埋葉國謙都因為呢次事件深受影響而落選。主席曾鈺成因此引咎辭職。

2004年[編輯]

2004年7月1號,「七一」遊行延續,主題改為「爭取07、08普選」,大會呼籲市民著白色衫參與遊行,以表達對普選嘅期望。另一方面,有親政府團體呼籲市民著紅色衫,參加另外一個要求民主嘅靜坐集會。雖然當日香港天氣炎熱,但2004年嘅「七一」遊行人數依然高企,主辦單位指人數高達53萬,仲多過2003年嘅50萬人,但係警方就話得20萬人。實際人數有幾多就拗得好緊要。

2005年[編輯]

2005年7月1號,「七一遊行」第三年舉行,主題為「反對官商勾結,爭取全面普選」,大會再次呼籲市民著白色衫參與遊行,以表達對普選嘅期望。此外,民間人權陣線公投小組計劃喺2005年「七一」遊行時喺維園進行「七一」模擬公投,公投議題係「○七、○八年普選行政長官及立法會」。

但係同以往不同嘅係,呢次遊行有唔少爭取其他訴求為主嘅人士加入,例如爭取原工資水平嘅海外傭工,反對香港大學醫學院冠上富商李嘉誠個名(佢捐咗10億港元)嘅教學人員同校友,爭取平等權益嘅同性戀者、爭取居港權人士同埋一啲法輪功嘅修練者等。而呢次遊行之前發生咗一啲插曲,團體明光社高調反對喺同性戀者團體帶領隊伍下一齊遊行,引起咗社會唔少嘅議論。

根據香港警方喺維園出發點嘅統計數據,大約有11 000幾名市民參與遊行,而民間人權陣線起初表示有45 000人參加,之後修正遊行人數為21 000人。然而,有遊行人士懷疑警方將人數大減,比起當日上晝嘅慶祝回歸巡遊仲要少(警方估計有2萬多人參與)。

參閱[編輯]

對外連結[編輯]