七七事變

日期	1937年7月7號
地方	北平-天津附近
結果	日本勝利

七七事變
	中國抗日戰爭嘅一部分
	; 國民革命軍喺盧溝橋上作戰。
日期	1937年7月7號
地方	北平-天津附近
結果	日本勝利
邊個打
中華民國	日本帝國
主帥
宋哲元	松井太久郎
軍力
?	?
死傷
?	?

Template:Campaignbox 抗日戰爭 (中國)

七七事變，又稱蘆溝橋事變、七七盧溝橋事變，係1937年 7月7號發生喺中國北平嘅盧溝橋嘅中日軍事衝突，日本就此全面進攻中國。七七事變係中國展開全國對日八年抗戰嘅起點。

[編輯] 政治背景

自1937年日本二二六事件開始，日本國內政局動蕩不安，政府迫切需要轉移國內民眾嘅視線，解決接踵而來嘅經濟、政治問題。而《何梅協定》簽訂之後，中華民國政府響華北嘅勢力銳減，客觀上為日本發動戰爭提供咗有利條件。

1936年西安事變和平解決之後，中國國民黨同中國共產黨達成協議共同抗日，兩黨再次走向聯合，亦即係所謂嘅第二次國共合作。

[編輯] 地理背景

盧溝橋喺北平城西南約15公里嘅永定河，係北京通往南部各地嘅咽喉要道。宛平城建於1640年，係捍衛北京城嘅軍事要塞。

[編輯] 經過

1937年6月起，日本嘅中國駐屯軍幾乎每日都喺盧溝橋附近進行所謂嘅軍事演習。

1937年 7月7號日本嘅中國駐屯軍係未通知中國北平地方當局嘅情況下，響國民革命軍駐地附近進行「軍事演習」。夜晚日軍話有一個士兵失蹤，要求進入北平西南嘅宛平縣城（現時嘅盧溝橋鎮）搜查。國軍拒絕咗呢個無理要求。日軍於是喺夜晚八點開槍開炮猛轟北平盧溝橋，向城內嘅中國守軍進攻。國民革命軍第29軍37師219團（團長吉星文）奮起還擊。

事件後第二日中國共產黨就發表抗日通電，要求中華民國政府儘快履行喺西安事變時嘅承諾。時任國民政府軍事委員會委員長嘅蔣介石響7月17號喺廬山談話會上邊宣佈準備應戰同埋必要時守土抗戰到底嘅決心。7月28號、7月30號，日軍相繼佔領北平、天津。中國抗日戰爭（又稱第二次中日戰爭）正式爆發。