三棟屋

出自維基百科,自由嘅百科全書

三棟屋香港荃灣一條村,係陳氏村落。原本條村響牛牯墩,後尾起地鐵搬咗去象山邨北便,響大帽山南面山腰。

舊址[編輯]

原本三棟屋響牛牯墩西邊,係一條圍村,後尾覺得佢保留得好好,村民搬走之後就做咗三棟屋博物館

三棟屋係陳氏嘅村。陳氏原本住響福建汀州府寧化縣,後尾有一支搬到去廣東省廣州府新安縣羅芳。去到第十三代,陳任盛搬到荃灣,佢嘅叔伯,關同口村祖先,教陳任盛點樣耕田。佢帶住四個仔,好落力填海開地,最後喺大窩口老屋場起咗間草屋。

大仔陳健常係醫師,又識風水,所以都幾發。而其餘三個仔陳偀常、陳偉常同陳倬常都係耕田,生活叫過得去。大仔健常定咗落來,就想搵地開村。佢睇中孫氏一塊地,響牛牯墩西便,風水極佳。

新址[編輯]