上升星座

出自維基百科,自由嘅百科全書
跳去: 定向搵嘢
圖裏面As就上升位,響九點鐘個位置。

上升星座(或上昇星座,英文叫ascendantAscendant-symbol.png)或者rising sign)係西洋占星術裏面一個好重要嘅概念,佢係指當一個人出世嗰一刻,從佢出生嘅地點嚟睇,地平線嗰度嗰一刻升緊嘅黃道星座(都係12星座入面其中一個)。

對個人嘅影響[編輯]

基本性格[編輯]

上升星座同太陽星座一齊影響嗰個人嘅基本性格,例如一個人係太陽金牛座,但係上升雙子座,咁呢個人嘅性格會好受金牛同雙子座嘅共同影響(但重有好多其他因素)。不過對某啲人黎講,上升星座嘅影響可能會好表面,即係只係一個「面具」,呢樣嘢要睇番啲星體嘅位置。

有啲人話太陽星座、月亮星座同上升星座呢三樣嘢形成一個人成個性格嘅骨架,而其他如水星星座金星星座等等就會影響埋個性格嘅某啲部份。

外表[編輯]

上升星座會影響個人嘅外表,個有咩特點,甚至高矮肥瘦,同埋行為等,都受呢樣嘢影響。不過當然都要睇翻遺傳同埋後天嘅影響喇。

命途[編輯]

上升星座係宮位裏面嘅第一宮,其他嗰11個宮係自動跟住佢郁,而每一個宮都影響住個人命運裏面嘅某啲際遇。

知道時間地點嘅重要性[編輯]

太陽星座係大約每一個轉一次,上升星座係大約兩個轉一次,所以要知道自己嘅上升星座,就一定要知道準確嘅出生時間,同時要知道地點,例如邊個城市

如果有呢啲資料,就可以去某啲網頁整張命盤出嚟就好容易知道自己係咩上升星座(同埋其他星座)。

睇埋[編輯]

出面網頁[編輯]