丘達新

出自維基百科,自由嘅百科全書
跳去: 定向搵嘢
Thaksin.jpg

丘達新泰語ทักษิณ ชินวัตร,拼音Thaksin Shinawatra,音譯:達新先阿哇察1949年7月26號—),或者叫名達新Thaksin),係泰國人,做過泰國總理兩屆。佢出生喺泰國北部清邁府,第四代泰國唐人,係客家人。執政嗰陣,泰國以達新經濟聞名。因爲唐文新聞機構,唔曉泰文客家話,就將達新亂繙,例如香港中國大陸他信新架坡達信臺灣塔克辛等等。

丘達新嘅孻妹丘英樂,係家下泰國總理。

生平[編輯]

丘達新喺1949年7月26號出世,地爲泰國清邁府。佢老竇老母都係祖籍中國廣東梅州客家人一八六零年,丘達新嘅太太爺丘春盛,移民到暹羅,卽係家下泰國。

丘達新喺1994年從政,做過泰國外交部長、內閣副總理、正義力量黨黨首等職位。1998年7月14號,丘達新創立泰愛泰黨,最後做埋黨主席。喺2001年2月成為泰國第23任總理。佢仲係泰國首位成功連任嘅總理。

2006年2月24號,丘達新突然宣布解散國會下議院,提前舉行選舉[1]

4月4號,丘達新晚間正式宣布,為咗國家團結,佢唔再出任下屆政府總理。佢解釋,做出如此決定,主要係泰國慶賀泰皇登基六十周年 [2]

丘達新喺2007年7月收購英超球會曼城做嘅老闆,直至2008年9月2號因資金問題而轉讓球會畀阿布達比財團。

尋根返故里[編輯]

丘達新嘅父母分别來自中國廣東省梅州市豐順縣梅縣,丘達新因而承繼咗百分之百嘅客家血統。丘達新亦有客家認同,因此,按照客家人嘅確認方式,丘達新可以算係一位東南亞客家人,而唔單只係客家後裔

另外,由於喺丘達新祖輩離開廣東嘅時候,豐順仲係畀潮州管嘅,所以丘達新祖籍亦係潮州,為潮人第四代後裔。

2005年初,丘達新帶埋屋企人訪問中國廣東省大埔縣,展開尋根之旅;2005年7月,丘達新以泰國總理嘅身份,訪問廣東梅州同潮州。

政績[編輯]

  • 將泰國帶出咗亞洲金融危機
  • 鐵腕禁毒(泰國嘅毒品產量曾居世界第二)。
  • 對泰國南部嘅穆斯林武裝分離運動進行嚴厲嘅軍事鎮壓。

法律訴訟[編輯]

丘達新而家有鑊,原因係渠夫人寶乍文先阿哇察曾響2003年泰國金融機構發展基金(FIDF:Finance Institute Development Fund)嘅一次拍賣中買入曼谷叻猜拉披色路一個繁華地段上嘅某一忽地皮,而家政府話因為丘達新當時做緊總理,所以係有嫌疑違反咗泰國「反貪污法」嘅。嗰次地皮拍賣成個過程係由泰國银行監督嘅,渠哋就一再堅持話交易係完全按法律程序舉行 [1]。2007年6月21號,泰國最高法院正式向泰國大理院提出檢控 [2] [3] [4]

[編輯]

出面網頁[編輯]