中國共產黨第七次全國代表大會

出自維基百科,自由嘅百科全書
中國共產黨第七次全國代表大會會場
楊家嶺中央大禮堂(攝於2007年4月)

中國共產黨第七次全國代表大會於1945年4月23號至6月11號响延安召開,出席七大嘅代表共755名,其中正式代表547名,候補代表208名,代表當時全黨121萬黨員。分為中直(包括軍直系統)、西北、晉綏、晉察冀、晉冀魯豫、山東、華中同埋大後方8個代表團。喺七大代表中,年紀最大嘅近70歲,最細嘅先得20歲左右。大會選出毛澤東朱德劉少奇周恩來任弼時林伯渠彭德懷康生陳雲陳毅賀龍徐向前高崗張聞天彭真15人組成主席團,選舉任弼時為大會秘書長、李富春為副秘書長。

1945年4月23號,延安楊家嶺中央大禮堂,七大開幕式嘅主席台上,掛住毛澤東同朱德嘅巨幅畫像,鮮艷嘅黨旗掛喺兩邊。會場後面嘅牆上,掛住「同心同德」四個大字。兩面牆上張貼住「堅持真理」、「修正錯誤」等標語,靠牆邊插住24面紅旗,象徵住中國共產黨24年奮鬥嘅歷程。插紅旗嘅「V」字形木座係革命勝利嘅標誌。响主席台嘅正上方,掛住一條引人注目嘅橫幅:「在毛澤東的旗幟下勝利前進!」

响會議上,毛澤東致題為《兩個中國之命運》嘅開幕詞,並作《論聯合政府》嘅政治報告;劉少奇作關於修改黨章嘅報告;朱德作《論解放區戰場》嘅軍事報告;周恩來作《論統一戰線》嘅報告;任弼時作關於黨嘅歷史問題嘅報告。大會通過咗新嘅黨章,確定以馬克思列寧主義同中國革命實踐相統一嘅毛澤東思想作為全黨一切工作嘅指針。大會選舉產生咗44名中央委員同33名中央候補委員組成新一屆中央委員會,响閉幕式上,毛澤東致題為《愚公移山》嘅結束詞。

一中全會[編輯]

中國共產黨第七屆中央委員會第一次全體會議於1945年6月19號响延安楊家嶺舉行。全會選舉毛澤東為中央委員會主席;毛澤東、朱德、劉少奇、周恩來、任弼時為書記處書記;毛澤東、朱德、劉少奇、周恩來、任弼時、陳雲、康生、高崗、彭真、董必武、林伯渠、張聞天、彭德懷為中央政治局委員。

根據黨章關於「中央委員會主席即為中央政治局主席與中央書記處主席」嘅規定,毛澤東為中國共產黨中央委員會主席兼中央政治局主席、中央書記處主席。

二中全會[編輯]

中國共產黨第七屆中央委員會第二次全體會議於1949年3月5號至13號响河北省平山縣西柏坡舉行。係中共取得全面勝利之際召開嘅中全會。出席會議嘅中央委員34人,候補中央委員19人,列席會議嘅有關人員11人,因為交通條件等原因有20人缺席。毛澤東主持會議,並响全會上作報告。會議通過咗毛澤東所作嘅報告。全會批准咗自1945年6月中共七屆一中全會以嚟中共中央政治局嘅工作,認為中央嘅領導係正確嘅。全會批准咗1949年1月14號毛澤東對時局嘅聲明;批准咗由中國共產黨發起召並協各民主黨派、人民團體同民主人士,召開鬥冇反動分子參加嘅新嘅政治協商會議同成立民主聯會政府嘅建議。會議重通過咗《關於軍旗的決議》。

最後,毛澤東代表中共中央政治局對全會作結論報告。呢份報告總結咗「黨委會工作方法」12條經驗。會議決定咗以下幾個方面嘅問題:

  1. 確定咗促進革命迅速取得全國勝利嘅各項方針;
  2. 決定將中國共產黨嘅工作重心由農村轉到城市;
  3. 決定咗中共响全國勝利後嘅一系列基本政策;
  4. 強調要加強黨嘅思想建設,防止資產階級思想嘅腐蝕。

三中全會[編輯]

中國共產黨第七屆中央委員會第三次全體會議於1950年6月6號至9號响北京舉行。出席會議嘅有中央委員35人、候補中央委員27人。各省、市委、中央各部委負責人同有關工作人員43人列席咗會議。毛澤東响會上作《為爭取國家財政經濟狀況的基本好轉而鬥爭》嘅書面報告,並作咗《不要四面出擊》嘅講話。劉少奇作咗《關於土地改革問題的報告》,陳雲作咗《關於財政經濟問題的報告》,聶榮臻作咗《關於人民解放軍整編問題的報告》,周恩來作咗《關於外交工作與統一戰線工作的報告》。會議確定要做好土地改革、穩定物價同調整工商業、肅清反革命、整黨、精簡機構、改造舊文教事業、失業救濟、統一戰線等8項工作,創造3個條件,即:土地改革嘅完成;現有工商業嘅合理調整;國家機構所需經費嘅大量節減。

爭取响三年時間內,實現國家財政經濟狀況嘅根本好轉,為有計劃嘅經濟建設創造條件。會議批准陳雲喺任弼時休假期間參加中央書記處,任書記;決定遞補廖承志王稼祥陳伯達黃克誠中央委員,決定撤銷黎玉劉子久嘅候補中央委員職務。

四中全會[編輯]

中國共產黨第七屆中央委員會第四次全體會議於1954年2月6號至10號响北京舉行。出席會議嘅有中央委員35人,候補中央委員26人。中央各部委、中央人民政府黨組,軍委各部門同人民團體嘅主要負責同志共52人列席咗全會。中央書記處書記劉少奇代表中央政治局作咗中共中央政治局向第七屆第四次中央全會嘅報告。朱德、周恩來、陳雲、鄧小平等44位同志响會上發言。全會揭露同批判高崗、饒漱石嘅反黨分裂活動;批准咗中央政治局提出嘅黨响過渡時期嘅總路線,即係要响一個相當長嘅時期內,基本上完成國家工業化同對農業、手工業、資本主義工商業嘅社會主義改造;批准咗中央政治局關於1954年內召開黨嘅全國代表會議嘅決定;討論第一個五年計劃綱要同其他有關嘅各項問題。會議通過咗《中國共產黨第七屆中央委員會第四次全體會議的決議》同埋《關於增強黨的團結的決議》。全會任命鄧小平為中共中央秘書長。毛澤東因正喺度休假,冇參加呢次全會。

五中全會[編輯]

中國共產黨第七屆中央委員會第五次全體會議於1955年4月4號响北京舉行。全會批准咗1955年3月召開嘅中國共產黨全國代表會議通過嘅《關於中華人民共和國發展國民經濟的第一個五年計劃草案的決議》、《關於高崗、饒漱石反黨聯盟的決議》同埋《關於成立黨的中央和地方監察委員會的決議》,批准咗全國代表會議選出嘅中央監察委員會委員15人,候補委員6人嘅名單,及董必武嘅書記職務同劉瀾濤譚政王從吾錢英劉錫武嘅副書記職務;通過咗中國共產黨中央委員會關於全國代表會議嘅公報。會議補選林彪、鄧小平為中共中央政治局委員。

六中全會(擴大)[編輯]

中國共產黨第七屆中央委員會擴大嘅第六次全體會議於1955年10月4號至11號响北京舉行。出席會議嘅有中央委員38人,候補中央委員25人;各省、市、自治區黨委書記同各地委書記,中央各部委同國家機關各部門黨組負責人等388人列席咗會議。全會嘅主要議題係關於農業合作化問題同關於召開黨嘅第八次全國代表大會問題。毛澤東主持全會,並作咗《關於農業合作化問題》嘅報告。全會通過咗《關於農業合作化問題的決議》及《農業生產合作社的示範章程(草案)》。全會把黨內响合作化速度問題上嘅唔同意見當作右傾機會主義嚟批判,助長咗農業社會主義改造中嘅急躁冒進情緒。使農業合作化運動响肯定「大發展」嘅方針同批判所謂右傾錯誤嘅推動下迅猛發展。全會重通過咗《關於召開黨的第八次全國代表大會的決議》同《關於黨的第八次全國代表大會代表名額和選舉辦法的規定》。

七中全會[編輯]

中國共產黨第七屆中央委員會第七次全體會議於1956年8月22號、9月8號、9月13號响北京舉行。出席會議嘅有中央委員44人、候補中央委員23人。全會討論並通過咗第七屆中央委員會準備向中共第八次全國代表大會提出嘅政治報告、黨章修改草案同埋關於修改黨章嘅報告、關於發展國民經濟第二個五年計劃嘅建議嘅報告。全會重遞補王首道鄧穎超陳少敏為中央委員。確定咗八屆中央委員嘅候選人名單,決定八屆中央委員名額為170人。