中國共產黨第九次全國代表大會

出自維基百科,自由嘅百科全書
跳去: 定向搵嘢

中國共產黨第九次全國代表大會於1969年4月1號至24號喺北京召開。出席代表1512人,代表當時全國2200萬黨員。由於當時各地黨組織處於癱瘓狀態,無法正常進行代表嘅選舉,多數代表由革命委員會同各造反組織嘅頭頭協商決定或上級指定,以致很多品質惡劣嘅幫派骨幹、打砸搶分子,林彪、江青一伙嘅爪牙,成為咗九大代表。有嘅人是喺確定為九大代表之後,先自趕辦入黨手續,或喺去北京列車上突擊入黨。相當多嘅原八屆中央委員同候補中央委員處於被審查或者坐緊監,未能作為代表出席九大。

毛澤東主持開幕式並致開幕詞,林彪代表中共中央作政治報告。報告以「無產階級專政下繼續革命嘅理論」為核心,全面肯定咗「文化大革命」,話「無產階級文化大革命」係一場真正嘅無產階級革命,係對馬列主義理論同實踐嘅一個偉大嘅新貢獻;將黨嘅全部歷史講成係兩條路線鬥爭嘅歷史,即所謂「毛主席嘅馬克思列寧主義路線,同黨内右嘅同『左』嘅機會主義路線鬥爭嘅歷史」,虛構咗以劉少奇為阿頭嘅「資產階級司令部」,肯定咗強加畀劉少奇嘅種種罪名;對中國社會嘅形勢以及黨嘅政治狀況作咗錯誤嘅估計,响呢種基礎上提出咗所謂「鬥、批、改」嘅新任務。報告對戰爭到嚟嘅可能性作咗緊迫同跨大嘅估計,過分強調要準備打仗。

大會通過咗政治報告同黨章修正草案。九大通過嘅新黨章,錯誤咁將「無產階級專政下繼續革命嘅理論」同林彪「係毛澤東同志嘅親密戰友同接班人」寫入咗綱;對毛澤東思想作咗歪曲嘅闡述;刪除咗原黨章中黨員權利一節,取消咗黨員嘅預備期,取消咗中央書記處,取消咗中央監察委員會等機構。

大會選舉出中央委員170人,候補中央委員109人,其中原八屆中央委員同候補中央委員只有53人。

中共九大使「文化大革命」嘅錯誤理論同實踐合法化,喺思想上、政治上、組織上嘅指導方針都係錯誤嘅。

一中全會[編輯]

中國共產黨第九屆中央委員會第一次全體會議於1969年4月28日喺北京舉行。會議選舉產生咗新一屆中央領導機構。名單如下:

  1. 中央委員會主席:毛澤東
  2. 中央委員會副主席:林彪
  3. 中央政治局常務委員會委員:毛澤東、林彪、
    (以下按姓氏筆劃為序)陳伯達周恩來康生
  4. 中央政治局委員:毛澤東、林彪、
    (以下按姓氏筆劃為序)葉群葉劍英劉伯承江青朱德許世友、陳伯達、陳錫聯李先念李作鵬吳法憲張春橋邱會作、周恩來、姚文元、康生、黃永勝董必武謝富治
  5. 中央政治局候補委員:紀登奎李雪峰李德生汪東興

二中全會[編輯]

中國共產黨第九屆中央委員會第二次全體會議於1970年8月23日至9月6日喺江西廬山舉行,毛澤東主持咗會議。林彪一班人喺會上通過稱讚毛澤東為「天才」嘅辦法,借以吹捧林彪,鼓吹要設國家主席,想以此達到佢奪權嘅目的。8月24日,陳伯達喺華北組宣講由佢編選經林彪審定嘅《論天才》嘅材料,煽動華北組通過決議:堅決要求設國家主席。8月31日,毛澤東發表《我的一點意見》一文,揭穿咗「稱天才」嘅騙局,指出咗佢哋喺廬山搞突然襲擊,煽風點火,唯恐天下不亂嘅陰謀同野心,指出唔好再提設國家主席嘅問題,從而挫敗咗林彪反革命集團向黨發起嘅有組織、有預謀嘅進攻。為此,全會宣布對陳伯達進行審查。

全會批准咗國務院關於全國計劃會議同1970年國民經濟計劃嘅報告;批准咗中央軍委關於加強戰備嘅報告。