中國共產黨第五次全國代表大會

出自維基百科,自由嘅百科全書

中國共產黨第五次全國代表大會於1927年4月27號至5月9號响武漢召開,出席大會嘅代表有:陳獨秀蔡和森瞿秋白毛澤東任弼時劉少奇鄧中夏張國燾張太雷李立三李維漢陳延年彭湃方志敏惲代英羅亦農項英董必武陳潭秋蘇兆征向警予蔡暢向忠發羅章龍賀昌阮嘯仙王荷波彭述之等82人,代表全國57,967名黨員,共產國際代表羅易鮑羅廷維經斯基等人亦出席咗大會。國民黨領導汪精衛徐謙等亦列席會議。

1927年蔣介石發動四一二反革命政變,大肆屠殺共產黨人同革命群眾,大革命遭受到局部嘅嚴重失敗。此後,全國形成咗三個政權,即原來嘅北洋軍閥政府上海、南京嘅蔣介石反革命政權武漢國民政府。面對錯綜複雜嘅矛盾同尖銳激烈嘅鬥爭,需要中國共產黨對形勢有清醒嘅認識並採取果斷行動,先能夠挽救革命。中共五大就係喺呢種非常狀態下召開嘅。全體黨員期望呢次大會能正確判斷當前局勢,回答大家最為關注嘅點樣從危急中挽救革命嘅問題。

陳獨秀代表第四屆中央執行委員會向大會作咗《政治與組織的報告》,涉及中國各階級、土地、無產階級領導權、軍事、國共兩黨關係等11個問題。報告既冇正確總結經驗教訓,又冇提出挽救時局嘅方針政策,反而為過去嘅錯誤進行辯護,繼續提出一啲錯誤主張。共產國際代表團團長羅易作咗題為《中國革命問題和無產階級的作用》嘅講話。班代表對陳獨秀嘅錯誤進行咗批評。會前,瞿秋白針對陳獨秀、彭述之等機會主義理論同政策,寫咗《中國革命中之爭論問題》呢本書,着重論述咗無產階級同資產階級爭奪領導權問題。會上佢將本書發畀大家,並作咗系統發言。針對陳獨秀報告關於統一戰線上嘅錯誤,蔡和森喺發言中指出:中國小資產階級政黨(國民黨)過去嘅弱點同家下動搖,講明能領導革命到底並取得勝利嘅只有無產階級政黨。我哋應以堅決嘅無產階級嘅領導去制勝小資產階級嘅動搖同猶豫。毛澤東批評陳獨秀响對待農民問題上嘅錯誤,主張將農民組織同武裝起來,迅速加強農民嘅鬥爭。

大會通過咗《政治形勢與黨的任務決議案》《土地問題議決案》等,選出由31名正式員同14名候補委員組成嘅黨嘅中央委員會。隨後舉行嘅五屆一中全會選舉陳獨秀、蔡和森、李維漢、瞿秋白、張國燾、譚平山、李立三、周恩來為中央政治局委員,蘇兆征、張太雷等為候補委員;選舉陳獨秀、張國燾、蔡和森為中央政治局常務委員會委員,陳獨秀為總書記。大會第一次選舉產生咗中央監察委員會,由正式委員7人、候補委員3人組成。

中共五大雖然批評陳獨秀嘅錯誤,但係對無產階段點樣爭取領導權,點樣領導農民進行土地革命,點樣對待武漢國民政府同國民黨,特別係點樣建立黨嘅革命武裝等迫在眉睫嘅重大問題,都未能作出切實可行嘅回答,因此,難以承擔响生死存亡嘅危急關頭挽救大革命嘅重任。而真正結束中央所犯嘅右傾機會主義錯誤,制定正確嘅土地革命同武裝起義方針,係响3個月後嘅八七會議上完成嘅。