中國朝鮮族

出自維基百科,自由嘅百科全書
跳去: 定向搵嘢
中國朝鮮族
中國朝鮮族/중국 조선족
總人口
248萬9076人 (2009年)[1]
語言

韓文中國朝鮮話),唐文

宗教信仰

儒教佛教基督教,唔信教

相關種族

中華民族大韓民族

中國朝鮮族韓文中國朝鮮族중국 조선족Jungguk Joseonjok)係指喺中華人民共和國住而又有中華人民共和國國籍嘅朝鮮族人,喺中華人民共和國政府登冊嘅民族中,朝鮮族係56個中華民族之一。而喺韓國,據法務部出入國外國人政策本部嘅統計資料就稱爲韓國系中國人(韓文:韓國系中國人한국계 중국인Hangukgye Jungguk-in)。不過呢個係指親南韓嘅中國朝鮮族,至於親北韓嘅(尤其係延邊嘅朝鮮族)就叫朝鮮系中國人(韓文:朝鮮系中國人조선계 중국인Joseongye Jungguk-in)。

韓國,朝鮮族呢個名作為自稱都用得幾多,但如果無分南北韓、包括埋中國朝鮮族嘅話,佢哋就會合稱爲大韓民族。而中國就無呢種政治、國籍之分,都按文化來睇叫做朝鮮族,就比較少叫做韓族。喺中華人民共和國,朝鮮族按人口計係第14大少數民族,主要住喺東北三省,最多嘅係延邊朝鮮族自治州。最近中國朝鮮族人口分佈漸趨分散,原因係而家中國經濟高速發展,東北朝鮮族啲人就出晒去中國大都市搵工,比如北京上海青島[2] 。因為佢哋有語言優勢,有相當部分嘅朝鮮族人係去中國嘅韓國企業返工。

歷史同親南親北嘅身份認同[編輯]

朝鮮半島中國大陸嘅交流歷史好耐,前24世紀滿洲地方就住有今日韓國人嘅祖先民族。前10世紀朝鮮族嘅祖先濊貊族古朝鮮國,前2世紀朝鮮族前身扶餘族(濊貊族一支)開扶餘國,前37年扶餘出身嘅朱蒙高句麗國。高句麗後來畀大唐、新羅聯軍滅國,高句麗嘅一部分遺民同靺鞨族一齊開渤海國。渤海國統治咗朝鮮半島北部、滿洲地方、日本海沿岸。渤海亡國後,源自高句麗嘅一部分渤海遺民變成咗高麗國人,剩低嘅畀控制滿洲嘅北方民族統治咗。

有講法話17世紀初就有朝鮮人喺而家遼寧省定居[3],一般認為朝鮮人係17世紀末先開始部分移民到中國東北。當時係清朝,因為東北係滿族祖地而封禁,地廣人稀,就吸引咗朝鮮移民。啲人喺東北燒荒開地,除咗耕田就係挖蔘。1869年朝鮮半島北部大面積饑荒,好多朝鮮人越境入中國,結果清朝同朝鮮就時不時國境紛爭。朝鮮將圖們江中國呢邊嘅朝鮮移民居地叫做間島鴨綠江呢邊嘅移民居華地叫做西間島。1885年清政府廢咗滿洲封禁令,朝鮮移民大清領土嘅情況更犀利。

1910年大韓帝國大日本帝國合併,日本喺朝鮮收奪土地,令好多朝鮮農民失地,同時日本鎮壓朝鮮獨立運動,令好多各階層嘅朝鮮人移民去滿洲同濱海邊疆區。1931年7月2號喺滿洲吉林省長春縣三姓堡發生萬寶山事件,同年7月15號搞事記者金利三喺長春朴昌廈東亞旅館畀人暗殺。1932年日本扶立佢控制嘅傀儡國滿洲國,宣稱五族協和(滿族日本人漢族蒙古族韓國人),日本嘅滿洲國移民政策令東北朝鮮人劇增。呢個時期,唔單止喺間島地區有朝鮮人,成個滿洲都有做唔同職業嘅朝鮮人,據記載滿洲國有300萬朝鮮人。

喺近現代史,按韓國立場一般認為中國朝鮮族無咩點參與韓國獨立運動,反而從國共合作都參加毛澤東麾下軍隊、幫佢掌握中國作咗大貢獻,1949年中華人民共和國成立,解放軍嘅朝鮮族部隊、其次北韓嘅再編人民軍係朝韓戰爭嘅南下主力。1946年時中共就派朝鮮族去北韓,設立軍政大學,介入北韓初期嘅體制形成。之後,1949年8月北韓再編人民軍師團,中共第164軍做咗金昌德指揮嘅第5師團。其他嘅朝鮮族部隊係北滿、南滿嘅朝鮮族,而第164、166軍就係延邊地方入伍嘅朝鮮族,1950年大規模入北韓嘅就係呢批軍。之所以推遲一年入北韓,係因為當時重打緊國共內戰,要抽兵力過長江去南方前線,於是朝鮮族爲中共建政出咗分力。之後中共解放軍第4野戰軍隸下嘅各部隊分散配置。到國共內戰差唔多打完,1950年3月初河南省鄭州集結咗一萬五千幾人,發去北韓元山,作為北韓人民軍第7師團參加朝韓戰爭。另外重有將剩低嘅2500幾人嘅朝鮮族兵以及一啲獨立部隊編入第4野戰軍47軍,喺1950年4月28號入北韓,編成北韓人民軍第4師團18連隊參戰。中國共產黨1952年發表《民族區域自治實施綱要》。因為朝鮮族嘅軍事貢獻好大,就喺1953年吉林省東部劃出個延邊朝鮮族自治區,1955年時除區爲州,變成咗延邊朝鮮族自治州。當時由朝鮮族人就任州長來自治。直到今日啲人重認為朝韓戰爭喺抗美援朝,當時啲人祝福入伍嘅人,而家就有紀念活動。喺中國文革時,毛澤東嘅侄毛遠新主政延邊,引起咗民族紛爭,結果死咗好多人。特別係毛遠新設立紅色造反革命委員會,喺8月27號紅色反亂中拉埋紅旗戰鬥連軍、勞動者革命委員會、紅衛兵組織鎮壓有民族主義取向嘅朝鮮族人。當時死咗幾千人[4]

2010年9月中華人民共和國政府發佈嘅《長吉圖地區開放先導區》中,朝鮮族係作為核心角色[5]

延邊朝鮮族自治州成立60週年紀念出版咗夾埋100卷嘅《朝鮮族史料全集》[6]

分佈[編輯]

而家推算中國住有200萬朝鮮族。呢個人口可同美國朝鮮族人數(包韓僑、韓裔)匹敵,可能係朝鮮半島以外最大嘅朝鮮族群。中國朝鮮族集中喺東北地區(滿洲),其中吉林大概120萬,吉林東部嘅延邊州就集中咗80萬。其他嘅,黑龍江(包哈爾濱)約45萬、遼寧(包瀋陽)約25萬、內蒙古約2千,此外呢啲大都市都好多:北京天津上海青島廣州深圳。此外各地嘅朝鮮族聚居地都設置咗朝鮮族自治縣、民族村(鄉、鎮)。喺東北三省嘅中心都市都有朝鮮族嘅學校、廣播電臺、報社、出版社,同時呢啲機關喺中國推廣韓文。

1992年韓國同中國建交以來,好多朝鮮族人以移民,或者同韓國人結婚歸咗韓國籍,令中國朝鮮族人口下降。近年來中國朝鮮族後生有畀漢族同化嘅趨向。亦都自92年建交以來,中國朝鮮族同韓國人越來越多接續,朝鮮族過韓國,或者韓國人去朝鮮族地區嘅現象都增加咗。據韓國行政安全部嘅《外國人住民現況》,2011年,有50萬中國朝鮮族住向韓國,而入韓國籍嘅有2萬6千650人。[7]估計家下有30%以上嘅中國朝鮮族去咗韓國。[8]

文化[編輯]

中國朝鮮話係中國政府據北韓嘅國語文化語再構出來嘅官方標準語,此外因為中國經濟發展同都市化,朝鮮族人同漢族人交流得更多,越來越多朝鮮族人講唐話。甚至有啲朝鮮族人細個時返漢族學校,遠離咗朝鮮社區,結果唔多識韓文。朝鮮族大多出身自朝鮮半島北部嘅平安道咸鏡道,所以鄉下嘅方言大多講呢兩個地方嘅方言。

雖然中國朝鮮族同韓國人係同胞,但受中國推行嘅意識形態教育、宣傳,佢哋都認自己係噉多個中華民族中嘅一員,係中國人,同韓國人「同一民族、同一國家」嘅國族觀念有種種磨擦。[9]

朝鮮族喺衣著、飲食上同韓國人差唔多,比如,喺大時大節會著韓服,食泡菜韓國燒烤狗肉,夏天時會食補品。不過近年來無論語言定習慣都開始漢化,因為有啲父母覺得適應到漢族地方嘅生活會更有前途,於是放棄咗自身民族教育,送仔女去漢族學校返學,結果有啲朝鮮學校因為生源減少而執笠。

嘅人唔多,因為喺李氏朝鮮末期有大批人移民中國,受儒教文化好強影響嘅朝鮮儀禮保存落來、宣揚入世嘅儒家觀念,同時佛教土俗信仰合成嘅民間宗教都幾風行。近年來因為同韓國美國接續多咗,都有啲人信天主教新教

關於個名[編輯]

「朝鮮族」呢個名本來係中國對呢個海東民族嘅稱呼,喺舊時漢字文化圈呢個名以漢字形式入咗韓文。而家中國嘅身份證「朝鮮族」係呢個民族嘅官方名,據而家中國嘅民族政策,身份登記上叫少數民族、冠親個民族名,都有特惠政策,比如唔受「一對父母一粒仔女」嘅獨生限制。所以中國朝鮮族對呢個名無咩意見。

不過喺1988年韓國自由化之前,啲人受民族情緒影響,認為無論係「在日僑胞」、「在美僑胞」、「在中僑胞」,都係叫「韓民族」,要文化純化、正名,認為「朝鮮族」呢個名貶低咗佢成個族,但呢個係誤解。韓國政府就唔用「朝鮮族」呢個名,而用「韓國系中國人」指代中國朝鮮族,屬「在外同胞」中一類。

睇埋[編輯]

[編輯]

  1. 재외동포현황 Current Status of Overseas Compatriots, South Korea: Ministry of Foreign Affairs and Trade, 2009, <http://www.mofat.go.kr/consul/overseascitizen/compatriotcondition/index6.jsp?TabMenu=TabMenu6>. 喺 2009-05-21 查嘅 
  2. 854,000人,2000年調查。
  3. 朴鍾國 (2010-09-20), "中서 400年血統 지켜온 「本溪朴씨」", 聯合뉴스, <http://www.yonhapnews.co.kr/international/2010/09/20/0601400100AKR20100920098900097.HTML>. 喺 2010-09-22 查嘅 
  4. 황희경,文化大革命 時期 朝鮮族에게는 무슨 일이,聯合뉴스
  5. 朴鍾國 (2010-09-14), "中「長吉圖建設,朝鮮族이 핵심 役割」", 聯合뉴스, <http://www.yonhapnews.co.kr/politics/2010/09/14/0503000000AKR20100914062900097.HTML>. 喺 2010-09-16 查嘅 
  6. 朴鍾國 (2010-12-06), "中100卷份量「朝鮮族史料全集」出版推進", 聯合뉴스, <http://www.yonhapnews.co.kr/bulletin/2010/12/06/0200000000AKR20101206156800097.HTML>. 喺 2010-12-08 查嘅 
  7. 《朝鮮族1%時代》①膨脹하는 朝鮮族 타운,聯合뉴스
  8. 柳燃山,朝鮮語의 現주소와 未來志向에 대한 考察
  9. 「中國同胞差別로 故國觀變化」<中同胞 언론인>