中山市

出自維基百科,自由嘅百科全書
乾隆時,中山叫香山縣,喺省城南便,歸廣州府

中山粵拼zung1 saan1),喺中國廣東,舊稱香山。家下佢係一個地級市,叫中山市。中山原本係個,又係個。大清時叫香山縣,民國時改叫中山縣,以紀念國父孫文(別名孫中山)。個島因珠江三角洲沖積,家下連埋大陸。原縣包括埋今日珠海市同埋澳門[1]

地理[編輯]

[編輯]

中山北面有浮虛山,曾經係島山,係道教要地[2],東南有五桂山,就係原香山個位,今日係響中山市同珠海市交界[1]。原縣重包埋濠鏡澳山,響家下澳門境[1]

[編輯]

中山縣東南靠海。原縣同澳相接,有濠鏡澳關,西便叫拱北灣[1],家下響珠海市境。原縣重有海裏便嘅東澳山九星山,周圍叫九星洋[1]。又有老萬九澳橫琴三灶浪白諸島喺海度[1],除咗九澳係澳門路環,全部都劃咗畀珠海市。

中山西北板沙海,水由順德入,東南去到潭洲[1]。而另一支仰船水,經木頭海,再向東南流入海[1]。西江由順德流入,到古鎮海,東南去到螺洲,夾埋石岐水,向南出磨刀門入海[1]

[編輯]

舊時中山叫香山。

大唐東莞縣置香山鎮。大宋紹興廿二年,卽係一一五二年,置香山縣,喺東莞縣隔海三百里,叫香山係因爲當地有山,多神仙花卉[3]。亦有謂香山取名自香爐山,喺香山縣治南六十里,有瀑布[4]

大清嗰陣,香山縣歸廣州府。縣丞前山寨城[1]都司巡檢黃梁都城[1]。另有三巡司駐淇澳香山黃圃[1]光緒十三年,澳門正式落入葡萄牙[1]宣統元年奏開香洲商埠[1]

中華民國十四年,一九二五年,孫文逝世,爲咗紀念佢,用佢日本時名號中山,改縣名爲中山。

一九八三年,中華人民共和國,改縣做地級市,叫中山市。

行政區劃[編輯]

中山市轄下有15個黃圃鎮南頭鎮東鳳鎮阜沙鎮小欖鎮古鎮鎮橫欄鎮三角鎮港口鎮大湧鎮沙溪鎮三鄉鎮板芙鎮神灣鎮坦洲鎮)、8個街道石岐街道東區街道西區街道南區街道五桂山街道中山港街道民眾街道南朗街道),區域內含有1個國家級開發區——中山火炬高技術產業開發區和1個經濟協作區——翠亨新區


[編輯]

  1. 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 清史稿。志、地理、廣東
  2. .
  3. 《太平寰宇記》卷一百五十七、香山在縣隔海三百里、地多神仙花卉、故曰香山。呢度縣指東莞。
  4. 《讀史方輿紀要》卷一百零一、香爐山、在縣南六十里、有瀑布懸流。志云、縣以此山爲名。