中秋

出自維基百科,自由嘅百科全書
跳去: 定向搵嘢
中秋個月光
北京龍潭湖中秋節嘅燈會上嘅二龍戲珠
人們經常喺中秋時食月餅
喺香港維多利亞公園嘅花燈(2005年)
灣仔修頓球場舉行嘅大坑舞火龍表演
朝鮮中秋食品
中秋節時嘅越南一班細路。
日本中秋節陳列嘅食品

中秋東亞民間一個傳統節日,響每年農曆八月十五

按照中國嘅農曆,八月係秋天嘅第二個月,古時稱佢做仲秋,因此民間叫做中秋,又叫秋夕八月節八月半月夕月節,又因為呢一日月亮滿圓,象徵團圓,又叫做團圓節。受中華文化嘅影響,中秋節亦係台灣日本越南馬來西亞新加坡朝鮮韓國等國嘅傳統節日。

起源[編輯]

中秋一詞,最早見於《周禮》,《禮記·月令》上說:「中秋之月養衰老,行糜粥飲食。」但並無講明係八月嘅邊一日。

唐朝以後,中秋節先成為固定嘅節日。傳說唐玄宗夢遊月宮,得到咗霓裳羽衣曲,民間先開始盛行過中秋節嘅習俗。一般認為,中秋節開始盛行喺宋朝,元末朱元璋起兵時以月餅秘密傳遞「八月十五日殺韃子(即蒙古人)」訊息,洪武元年(1368年)朱元璋將月餅作為節令糕點賞賜群臣。時期,中秋節已經成為中國嘅一大傳統節日。《正德江寧縣志》載,中秋夜,南京人必賞月,合家賞月稱為「慶團圓」,團坐聚飲稱為「圓月」,出游待市稱為「走月」。

關於中秋節來源嘅傳說,嫦娥奔月嘅故事最出名。呢個傳說喺民間有多個版本流傳,大致內容係:相傳喺遠古時代嘅射日英雄后羿娶咗嫦娥,並成為帝王,但係佢愈來愈暴戾,多番施行惡政,做咗大暴君。有一日,后羿喺王母娘娘嘅手中求得到一包不死藥,只要食咗不死藥,就可以長生不老。嫦娥知道後為拯救蒼生免受后羿永遠嘅統治,就將不死藥全部吞晒,然後變咗仙女,飛去月宮。百姓得知嫦娥奔月成仙後,紛紛喺月下擺設香案,向嫦娥祈求平安吉祥,由此就逐漸形成咗中秋節拜月嘅風俗。[1]

中秋習俗[編輯]

中秋賞月
賞月係中秋節嘅傳統活動之一,《禮記》早有記載「秋暮夕月」,意為拜祭月神,逢此時就要舉行迎寒和祭月,設香案。至唐宋時期,賞月之風更盛,關於中秋嘅詩詞亦層出不窮,如辛棄疾嘅《木蘭花慢 中秋》、蘇軾嘅《水調歌頭》等。《東京夢華錄》更有記載:「中秋夜,貴家結飾台榭,民間爭占酒樓玩月」。
桂花,食用桂花制作嘅各種食品,以糕點、糖果最多見。
燈籠
啲人喺中秋節夜晚提燈籠.或將燈籠掛喺門前。
月餅
賞月同食月餅已經係各地過中秋節嘅必備習俗,俗語話:「八月十五月正圓,中秋月餅香又甜」。月餅一詞,源於南宋吳自牧嘅《夢梁錄》,嗰時只係一種點心食品。到後來啲人逐漸將賞月同月餅結合喺一齊,寓意家人團圓,寄托思念。同時,月餅亦係中秋時節朋友間用來聯絡感情嘅禮物。

中國[編輯]

江浙一帶,除咗普遍嘅豆沙鹹蛋月餅,重有「鮮肉月餅」。鮮肉月餅唔似其他地區嘅月餅,只會喺中秋期間食,而係一年四季都好流行。鮮肉月餅係蘇式月餅嘅一種,起源喺江蘇揚州一帶,口味屬於甜味,做法屬烘焙類。蘇式月餅相比廣式月餅,相對而言食多咗唔會有油膩感覺,亦唔會太甜,產生高熱量。
福建廈門地區重有博餅嘅習俗,而且博餅被列為國家非物質文化遺產項目,喺廈門海滄大橋旅游區(AAAA)建設咗廈門博餅民俗園。
燒塔
中秋夜燒塔喺中國南方嘅福建、江西、廣東、廣西等地農村好流行。塔身有碎磚同瓦片以及樹枝干草等搭建而成。圓窯形,下闊上尖,入面空心,中秋晚上點燒,經常會有燒塔比賽,塔燒得越通紅越好,燒得越旺越有彩氣。
其他
喺浙江東部,同全國其他地方有啲唔同,中秋節係喺八月十六,而唔係八月十五,並且傳統上名稱亦係直接叫「八月十六」,同端午、重陽、冬至唔同。
廣東各地,中秋賞月時經常食月餅柚子芋頭栗子菱角月光餅亦時有所見。

香港[編輯]

香港嘅中秋節公眾假期定喺農曆八月十六日(中秋節翌日),有啲學校同公司畀學生同員工喺八月十五日下晝開始放假。啲人除咗喺中秋節選購月餅之外,楊桃芋頭菱角都係中秋節慶食品。近年香港興起各種各樣嘅新式月餅,好似冰皮月餅就大行其道,喺中秋節晚,市民會到公園燃點蠟燭、掛燈籠,甚至煲蠟,但因為安全理由,香港政府1990年代起已嚴厲取締。喺全港各區嘅主要公園亦設有大大小小嘅中秋綵燈裝飾,點綴氣氛。

另外,喺銅鑼灣大坑舉行,連續三日嘅舞火龍活動,係每年一度嘅傳統節日客家儀式,於農曆八月十四至十六連續三日舉行,祈求消災解困。此外,亦有啲地方嘅習俗會向老人家送贈長壽麵或畀後輩送贈豬仔餅

台灣[編輯]

台灣,農曆八月十五嘅中秋節係個重要民俗節日,全台灣放假一日。至今,台灣一般民眾重係普遍有賞月食月餅、柚子嘅習慣。而地區性嘅文化,好似美濃地區嘅客家人喺中秋節宰食水鴨公;宜蘭地區除咗月餅,重食一種用麵粉製成,中間抹上黑糖烘焙而成嘅「菜餅」;南部地區亦有喺中秋節食麻糬火鍋嘅習俗[2]

朝鮮半島[編輯]

韓文叫「추석」(秋夕)、「중추절」(仲秋節)、「가배」(嘉俳)、「중추」(仲秋)、「가배일」(嘉俳日)、「중추가절」(仲秋佳節)。係掃墓並用新收穫嘅穀物同果實祭祀先祖嘅日子。回鄉探親,向親朋戚友送禮亦係過中秋節嘅習俗。所以英文亦將朝鮮半島嘅中秋節叫做「韓國感恩節」(Korean Thanksgiving Day)。

越南[編輯]

越南人農曆八月十五過中秋節(越南文Tết Trung Thu節中秋Template:Trans link/?,呢處「」用嘅係喃音,「中秋」係漢越音),亦有人叫佢做「望月節」(越南文Tết Trông trăngTemplate:Trans link/?)。中秋節亦係越南細路嘅一個節日。當晚,啲細路聽關於阿貴嘅傳說,去睇舞獅,有啲重得到老竇買嘅一個用來舞獅嘅獅子跟班朋友一齊玩。越南細路喺中秋夜都要提鯉魚燈出遊玩,重預示大個「跳龍門」意思。

日本[編輯]

日本嘅傳統嘅中秋節被叫做十五夜,亦叫中秋名月芋名月。但係同中國人喺中秋節嘅時候食月餅唔同,日本人喺賞月嘅時候食江米團子,稱佢做「月見團子」。由於呢個時期正值各種農作物嘅收穫季節,為咗對自然嘅恩惠表示感謝,日本人要舉行各種慶祝活動。日本人亦會賞月,稱佢做「月見」(ja:月見)(Template:Jpn),屋內會陳列賞月團子Template:Jpn)、芒草Template:Jpn)、Template:Jpn)等。

琉球[編輯]

琉球人中秋節會食一種叫吹上餅ふちゃぎ)嘅食品,係一種表面鋪上紅豆嘅米餅。重有拔河嘅風俗。

中秋詩詞[編輯]

有好多古代詩人寫咗詠誦中秋節嘅詩詞。

其中宋朝詞人蘇軾所寫嘅詞——《水調歌頭·明月幾時有》最為人熟悉:

明月幾時有?把酒問青天。
不知天上宮闕,今夕是何年。
我欲乘風歸去,又恐瓊樓玉宇,高處不勝寒。
起舞弄清影,何似在人間!
轉朱閣,低綺戶,照無眠。
不應有恨,何事長向別時圓?
人有悲歡離合,月有陰晴圓缺,此事古難全。
但願人長久,千裡共嬋娟。

參考[編輯]