青少年

出自維基百科,自由嘅百科全書
(由中童跳轉過嚟)
  「少年」跳轉到呢度。有關港產片,請睇「少年 (電影)」。
  「𡃁妹」跳轉到呢度。有關外號「𡃁妹」嘅香港女藝人,請睇「李綺雯」。
青少年男女

青少年係指介乎細路大人之間嘅年輕人,參考世界衞生組織嘅定義,青少年嘅年齡介乎10至19歲之間[1]。呢段時期經歷青春期同性成熟,啲人叫佢哋後生仔後生女或者𡃁仔,同衣物尺碼有關嗰時叫中童,學術啲就叫青少年

後生唔一定指年紀,有時都講心態,會講成係有衝動去實現一啲嘢,鍾意幻想,想做就做多過前思後想,鍾意冒險多過舒舒服服。

粵語俗稱[編輯]

粵語入面,𡃁粵拼leng1),或者叫𡃁仔𡃁妹,係對十幾歲青少年嘅俗稱,過咗童年,但又未成年身體發育重未結束。有指「𡃁」本字係「僆」[2]或者「𨈓[3],原本解孖生[4]

亦有同「𡃁」有關嘅用詞,譬如𡃁模𡃁妹樣

參考[編輯]

  1. 青少年健康相關行為監測數字
  2. 「僆仔」不要寫成「𡃁仔」
  3. 《擔天望地──廣府俗語探奇》 潘永強著 香港中華書局2005-10-04初版 ISBN 962231578X
  4. 康熙字典 - 僆:「《集韻》力展切,音輦。雙生子也。」