中華人民共和國主席

出自維基百科，自由嘅百科全書

中華人民共和國主席，中國大陸入面同港澳地區部分人就咁叫國家主席，係中華人民共和國（中國）嘅元首，由全國人民代表大會（全國人大）選出^[1]，不過，甚少出現多過一個候選人，而該候選人必定由中共政治局提名。任期5年，最多連任一屆。1954年設立，前身係中央人民政府主席，1975年第四屆人大修憲廢除，1982年又有返。現任主席係胡錦濤。

1954年通過嘅憲法規定國家主席主持最高國務會議兼任國防委員會主席。1982年訂嘅憲法第三章第二節大幅削減國家主席嘅職權，剩低：根據人大及其常委會決定公布法律、任免國務院總理同埋國務院人員、特赦、宣布緊急狀態、動員、授國家勳章；代表中國做國事，根據人大常委會決定派遣同叫返駐外國全權代表，批准同埋廢除國際條約同埋重要協定。而兵權就俾咗中央軍事委員會。而家主席冇實權，只係全國人大同常委會嘅發布機，但自從江澤民開始，兼任共產黨總書記同中央軍事委員會主席。

[編輯] 歷任中國主席

1. 毛澤東（1954年－1959年）
2. 劉少奇（1959年－1967年）
3. 李先念（1982年－1988年）
4. 楊尚昆（1988年－1993年）
5. 江澤民（1993年－2003年）
6. 胡錦濤（2003年－）

[編輯] 註

1. ↑ 憲法第62條