中華文化圈（Sinosphere）係指由中華文化誕生地中國以及周邊嘅越南、朝鮮同日本組成嘅一個文化圈。佢哋嘅共通點包括以前都係農耕民族、有冊封體制、識用全部或部份漢字、官方同知識分子會用文言文寫文等等。
中華文化圈從語言角度可以叫漢字文化圈；從地理角度可以叫東亞文化圈；從文化角度可稱爲儒家文化圈（儒教文化圈），重有稻米文化圈、筷子文化圈等等嘅稱呼。
