中華民國國慶日

出自維基百科,自由嘅百科全書
跳去: 定向搵嘢
中華民國國慶日期間常見嘅圖案

中華民國國慶日,又叫做臺灣國慶雙十節雙十國慶雙十慶典,係紀念1911年10月10號武昌起義。起義之後嗰兩個月,清朝瓦解,共和制嘅中華民國1912年1月1號成立。

呢日係中華民國嘅法定假期,當地政府亦每年舉行慶典。而家響中國大陸以外嘅世界各地,好多華人都會響呢日舉行慶祝活動。當中美國芝加哥同埋三藩市唐人街會舉行慶祝遊行,紅色嘅雙十圖案係常見嘅裝飾。

香港1997年主權移交中華人民共和國之前,市民可以自行舉辦慶祝雙十節活動。1946年1949年嘅10月10號,更曾經係香港嘅公眾假期。1997年之前,響中華民國支持者聚居嘅地區,例如調景嶺荃灣等,街上更往往可見中華民國旗海。不過1997年之後,特區政府雖然未有明文禁止相關嘅活動,但係街上掛出嘅相關橫額旗幟等都會畀警方以「佔用政府空間」為由拆除。而相關單位響籌辦慶祝活動嗰陣都會同當局有一定嘅「政治默契」,多數會選擇以私人場合形式舉行,免除特區政府嘅「尷尬」。

中華人民共和國唔承認中華民國喺1949年之後喺中國大陸同埋台灣嘅政權,所以官方唔會慶祝。不過,因為武昌起義推翻咗中國兩千幾年嘅封建制度,具歷史意義,官方依然集會紀念辛亥革命,重會喺會堂上高舉孫中山先生嘅遺像,讚揚孫中山先生對中華民族嘅貢獻。

睇埋[編輯]