九龍坑山

出自維基百科,自由嘅百科全書
跳去: 定向搵嘢
九龍坑山。由南面望過去,上有發射站。

九龍坑山Kau Lung Hang Shan),英人叫佢做雲山(英文:Cloudy Hill),係香港,高四百四十米。佢喺新界東北,係一脈諸山之中嘅西南角。佢喺正大埔新市鎮嘅北面。

九龍坑山上面,並無民居。區域行政上,佢歸大埔區下面嘅康樂園選區。

[編輯]

九龍坑山個名,源自山西腳底,有九龍坑圍村而名。

地理[編輯]

新界東北,係山脈諸地帶,而九龍坑山,就喺山脈嘅東南角。九龍坑山,西同南都係平原,喺大埔林村大窩粉嶺上水嘅平原中,一支獨秀,同大窩另一邊北大刀岃,相對而侍。而山脈一邊,東北接石坳山黃嶺八仙嶺等等,一直指向大鵬灣。而山脈以南,亦有沙螺洞平山仔等半山谷地。

九龍坑山亦可一覽各地平原山谷。西同南嘅平原,南叫大埔,西叫大窩。而大窩以北,就有粉嶺、上水平原。佢同北大刀岃之間平原河谷,係平原間嘅通衢。火車有九廣鐵路穿越,而馬路舊時亦大埔公路,如今則有粉嶺公路大窩支東路大窩支西路連貫。

南望遠處,可見香港第一高山,卽係大帽山

由山東南望,近見大埔海,遠見船灣海,極目可見赤門沙田海船灣海大埔海,島仔星羅棋佈。過大埔海見馬鞍山

[編輯]

第二次世界大戰時,英軍曾經註守九龍坑山,以抗日軍。

生態[編輯]

九龍坑山,有好多唔同自然生境,好似灌木叢草地。好多登峰蝴蝶同埋罕見嘅蝴蝶,都有機會見到,包括寬帶青鳳蝶窄斑鳳尾蛺蝶電蛺蝶金斑蛺蝶[1]。而有紀錄嘅,都有六十八種咁多[2]

而罕見嘅候鳥丘鷸,亦曾見於九龍坑山[3]。同樣少見嘅塘尾國姓異春蜓,亦見於九龍坑山[4]

發射站[編輯]

九龍坑山因爲一支獨秀,高於各聚居地,係起發射站或者山頂轉播站嘅好地點。佢好早就有電臺電視臺發射站。後尾因爲數碼電視廣播,擴建發射站。站分佈山頂東西,訊號可到馬鞍山大埔大埔海粉嶺上水羅湖等地[5]

電臺方面,香港三間主要電臺,都有喺九龍坑山起發射站,家下全部都係特高頻調頻(FM)廣播,但呢個站唔係乜臺都有[6]商業電台商業一台,山上以八十八點三兆赫廣播,而商業二台就九十點七兆赫。香港電台香港電台第一台,用九十三點二兆赫; 香港電台第二台,用九十五點三兆赫;香港電台第四台,用九十七點八兆赫。新城電台新城知訊台,用一百點零兆赫;新城財經台,用一百零四點七兆赫。

電視臺方面,香港兩間主要無綫電視臺,無綫電視亞洲電視,都有發射站,遍及各臺。模擬同數碼電視都有。數碼電視功率,同慈雲山發射站有得比[7]

行山[編輯]

九龍坑山亦係行山勝地。山嘅西北部份,劃入咗八仙嶺郊野公園,山頂有牌指示,所以西發射站係郊野公園範圍,而東發射站就唔係。香港政府亦開咗衞奕信徑,途經九龍坑山頂,頂南係第八段尾,頂北係第九段頭。山頂可以去唔同地方,西南沿山脊隔火帶,可以去大埔頭,入大埔市區,同東南轉東而行,可入康樂園,轉西,就到大埔南坑。東行落山,可以到九龍坑老圍九龍坑新圍元嶺。北行經流水響郊遊徑,入流水響或者鶴藪。西行,經大埔郊野步行徑,落到山中谷地沙螺洞,東去八仙嶺,或者轉南而行,落到山腳鳳園

交通[編輯]

九龍坑山有車路上山,由九龍坑上。車路亦可以到流水響。車路起來維條發射站之用。

[編輯]