九龍灣

出自維基百科,自由嘅百科全書
跳去: 定向搵嘢
九龍灣,企業廣場三期附近

九龍灣係一個喺香港九龍半島以東,香港島以北嘅海灣,係維多利亞港嘅東面部分,喺紅磡同埋鯉魚門之間。呢個灣喺起緊啟德機場新跑道嘅時候俾人分開做兩半。

牛頭角附近,九龍灣東北角嘅填海區亦都係叫做九龍灣,以前叫做牛頭角工業區。喺九龍灣地鐵站起咗之後,呢一區就俾人叫做九龍灣嘞。近地鐵站嗰一邊係住宅區,而近海嗰一邊就係工業區。呢一區基本上係牛頭角嘅延伸,所以有啲設施,好似牛頭角警署咁,係喺九龍灣嘅。

行政[編輯]

喺行政上,九龍灣填海區(除咗啟德機場範圍之外)同埋跑道以東嘅水體係屬於觀塘區嘅。機場嘅範圍同埋跑道以西嘅九龍灣係屬於九龍城區嘅。

地理[編輯]

喺20世紀,九龍灣曾經進行過幾次大型嘅填海,就係連而家遠離海邊嘅新蒲崗都係填海填返嚟嘅。

而家九龍灣嘅東面有一條防波堤保護住,形成咗一個避風塘。避風塘裏面有一舊礁石。其他有啲好似海心島咁嘅礁石,喺歴代填海工程嗰陣已經填咗入去內陸地帶嘞。

特徵[編輯]

舊啟德機場係喺個灣嗰度填出嚟嘅,佢嘅跑道三面俾水包圍住。

國際展貿中心同埋第一個地鐵車廠都喺九龍灣。

將來[編輯]

政府曾經計劃將個灣嘅一部分,甚至成個灣,填咗嚟同啟德機場一齊供應土地嚟起住宅,運動場同埋一個郵輪碼頭。土地需求嘅淢少,同埋環保問題,使到計劃要重新檢討。

交通[編輯]

五號幹線同七號幹線喺九龍灣嘅交匯處

九龍灣填海區有港鐵觀塘綫嘅九龍灣站服務,亦有好多巴士線。五號幹線同七號幹線喺九龍灣交匯。啟德隧道嘅東面出口都係喺九龍灣。

教育[編輯]

九龍灣出名嘅學校有港大進修學院、公開大學市區中心、仁濟醫院羅楚思書院同埋天主教柏德學校等等。

睇埋[編輯]

坐標: 22°19′N 114°12′E