五四運動
出自維基百科，自由嘅百科全書
 |
呢篇文或者呢段要 翻譯（或者由 zh:五四運動加料）。請譯佢。 而家譯咗17%，上次編輯：2009年9月18號 17:14。(翻譯指引) |
五四運動，狹義上係指，喺1919年5月4號，喺中國北京，發生嘅群眾運動。有後生學生、市民、工人、生意人呢啲中下階層群眾參加。形式係遊行示威、請願、罷課、罷工、暴力對抗政府等等。起因係巴黎和會，列強肆意踐踏中國主權，將德國中國山東嘅權益轉讓畀日本（山東問題）。
廣義上嚟講，五四運動係一次影響深遠、規模龐大嘅文化運動。當中包括早前『新文化運動』，對中國近代嘅政治、社會、文化、思想影響極之大。台灣教科書裏面，五四運動同新文化運動啦埋一齊講，兩者合埋叫「五四運動」，廣義上定義嘅五四運動。
目錄 |
[編輯] 背景
[編輯] 新思想嘅傳播同埋白話文運動
西方思想喺晚清尤其甲午戰爭之後大量傳入中國並喺年輕一輩中產生咗影響，但係喺民國初年呢種影響隨住《新青年》等刊物嘅發展以及白話文運動嘅推展，自由、反抗傳統權威等嘅思想，影響咗學生以及一般市民。
[編輯] 北京大學為首開始改革
中國嘅教育制度喺清末嘅新政之中己經學習西方同埋日本嘅學制而改革，但係到咗民初，高等教育獲得進一步嘅發展，尤其係喺北京大學為首嘅北京大學喺校長蔡元培嘅領導下，引進咗開放嘅學風，提出咗「思想自由，相容並包」嘅辦學方針，李大釗、陳獨秀、章士釗、胡適、辜鴻銘﹝英國文學﹞、劉師培、魯迅﹝周樹人，教中國小說史﹞、錢玄同﹝教音韻學﹞、吳梅﹝教戲曲史﹞、劉半農﹝教新文學﹞等嘅人俾人請咗喺北大教書，同時培養學生獨立自主開放進步嘅思想同埋精神，呢種思想同埋精神成為咗五四運動嘅重要動力。
[編輯] 民初以嚟嘅反日以及國恥情緒
1915年，日本提出二十一條，北洋政府喺5月9號，接納咗其中大多數嘅要求，哩啲原本日方要求保密嘅協定，俾新聞界知道咗，激起咗民族主義嘅情緒，使中國知識分子同埋民眾對於日本以及「賣國」嘅政府強烈不滿，被認為係國恥，同時亦都引發咗唔少嘅反日活動，呢種情緒喺五四運動裏面進一步發展而發揮作用。1917年8月14號，北京政府向德國宣戰，成為咗第一次世界大戰嘅「參戰國」。1918年初，日本向段祺瑞控制嘅北京政府提供咗大量貸款，並且協助組建同埋裝備一支中國參戰軍，啲貸款仲俾人用喺安福國會龐大嘅賄選開支。
9月，北京政府同日本交換咗關於向日本借款嘅公文，作為借款嘅交換條件之一，又交換咗關於山東問題嘅換文，主要嘅內容有：
北京政府喺換文入面，對日本嘅提議「欣然同意」，駐日公使章宗祥向日本政府親自遞交換文，後嚟俾北京學生打。中國對德宣戰，同日本一齊都喺戰勝國，但係德國喺山東嘅權益就收唔返，反而俾日本擴大咗，呢一份換文成為咗巴黎和會上日本強佔山東嘅藉口。
