亞氏保加症

出自維基百科,自由嘅百科全書
跳去: 定向搵嘢

亞氏保加症(Asperger syndrome)係一種自閉症,患者智力正常,甚至係天才,有良好語言能力,但唔識睇人眉頭眼額[1],因此較難同一般人相處同交往,所以冇乜朋友。

歷史[編輯]

1944年,奧地利兒童精神科醫生亞氏保加(Hans Asperger)發表咗一篇論文,佢發現一啲兒童有顯著同人相處同溝通嘅困難,都有類似嘅行為特徵,而呢個病後嚟亦以佢個姓氏嚟命名[2]

徵狀[編輯]

有亞氏保加症嘅人,必須要有以下三種徵狀:[2]

  1. 社交困難:唔理解其人嘅諗法,因此驚同其他人接觸,所以冇乜朋友,所以容易自我中心、唔合群、較少同其他人作眼神接觸或身體接觸、甚至有時會做出唔恰當嘅社交行為而俾人排斥或整蠱[3]
  2. 溝通困難:唔識睇人眉頭眼額,只可以理解字面意思,導致冇乜溝通技巧,因此比較沉默寡言,唔識得用說話去表達自己[3]
  3. 固執或狹窄興趣:好堅持既定嘅做法,好驚有任何改變,只要有一啲唔同咗就會唔開心,甚至會發脾氣,對有興趣嘅事物會深入研究同搜集資料,結果難於適應環境嘅改變,生活刻板同單調[3]

治療[編輯]

科學家重未揾到亞氏保加症嘅成因,只知道係佢係一種腦功能嘅問題,同父母嘅教養方式無關[2]。依家重未根治亞氏保加症嘅方法,但係可以透過有系統嘅教育同訓練,加埋適當嘅環境,畀患者有多啲同其他人接觸同溝通嘅機會,就可以幫助佢哋減低症狀所帶嚟嘅障礙[3]

[編輯]

  1. 亞氏保加症兒童家長指引 甚麼是亞氏保加症?. 香港教育城. . 喺2013-04-17搵到;. 
  2. 2.0 2.1 2.2 蕊展計劃 甚麼是亞氏保加症?. 香港教育學院. . 喺2013-04-17搵到;. 
  3. 3.0 3.1 3.2 3.3 及早識別自閉症及亞氏保加症兒童. 協康會. . 喺2013-04-17搵到;. 

出面網頁[編輯]