亞洲台（aTV Asia）係香港亞洲電視一條以高清格式播放嘅數碼電視頻道，頻道號碼係12，要用升級版DMB-T/H接收器先至收到。
亞洲台係喺2009年4月1號朝早6點，因為亞洲電視重組佢嘅數碼地面電視頻道，而以亞洲高清台個名開始播，取代以往嘅亞洲電視高清頻道，後來至改叫亞洲台。
呢條頻道每日二十四個鐘播嘢，有時同本港台、國際台一齊播，特別喺夜間新聞。另外亞洲台星期三會播高清賽馬直擊。
