亞洲國際博覽館

出自維基百科,自由嘅百科全書
跳去: 定向搵嘢
亞洲國際博覽館正門
亞洲國際博覽館(西邊)

亞洲國際博覽館(AsiaWorld-Expo)係香港其中一個展覽場地,喺赤鱲角東北。亞洲國際博覽館大概用咗23.5億港元去起,係一個公營同埋私營合作聯辦嘅發展項目,由香港特別行政區政府同埋私人財團包括香港寶嘉建築有限公司中國工商銀行 (亞洲) 有限公司一齊投資,而用地就係由香港機場管理局畀。喺2005年12月21號香港特別行政區行政長官曾蔭權主持開幕儀式。

亞洲國際博覽館係一個達到咗世界級嘅展覽同活動場地,可以搞展覽、會議、演唱會、體育同各類文娛嘅活動。

特色[編輯]

亞洲國際博覽館平面圖
亞洲國際博覽館嘅展館
  • 全部展館都係以無柱式設計嚟興建
  • 可租用面積超過70,000平方米,10個展館都喺地面、樓底高10至19米
  • 亞洲國際博覽館1號展館-Arena,有10,880平方米,係全港最大嘅室內多用途場館,可以坐13,500個人
  • 亞洲國際博覽館2號展館-Summit,有10,100平方米,係全港最大嘅室內會議同宴會廳場地。Summit 內間隔靈活,可以因應唔同用途作出一啲靈活嘅組合,是香港而家唯一可以同場搞會議、筵席同展覽嘅大型禮堂
  • 由2005年開始,博覽館搞過唔少嘅國際大型會議同展覽,當中包括有「國際電信聯盟2006世界電信展」、「環球資源系列採購交易會」、「亞洲國際航空展覽會暨論壇」、「第四十七屆東南亞獅子大會」同「中外貨代物流企業洽談會」

展覽同活動設施[編輯]

  • 高負重量嘅地面、樓頂結構同設施,可以應付最嚴格嘅要求
  • 同香港最大嘅電訊商–電訊盈科合作喺館入面提供最先進嘅新世代資訊及通訊科技服務
  • 覆蓋室內100%同保安嚴密嘅寬頻
  • 20分鐘免費無線上網服務(只提供有限度服務)
  • 頂尖視像會議服務輸服務
  • 提供即時全球或全場轉播服務
  • 2個專屬電話機樓
  • 3,000個以太網端口

後勤支援設施[編輯]

  • 全部場館都喺地面,方便參展商、活動主辦機構同承建商出入
  • 環繞場館起有雙線輔助道路,每個場館外都有大量卸貨區
  • 有貨車等候區,方便貨車喺設置同拆除攤位期間停泊
  • 場館外有充足嘅貨車起落位
  • 寬闊嘅出入口

亞洲國際博覽館 Arena[編輯]

  • 係全港最大嘅世界級室內表演及活動場地
  • 高標準嘅建築規格同配套,足以應付最嚴格嘅國際水準要求
  • 可坐13,500名觀眾
  • 樓高19米
  • 先進嘅升降裝置
  • 靈活嘅座位組合
  • 場館設計經專家評核,音質符合國際標準
  • 設備完善嘅後台同化粧間設施
  • 貴賓廂房

交通配套[編輯]

隔熱玻璃膜

呢座現代化設施附近嘅香港國際機場並有完善嘅海陸空運輸網絡,交通四通八達,同珠江三角洲一帶嘅城市同全球商業都會連接起嚟。

  • 遊客可以喺5個鐘飛行距離內接觸全球一半人口
  • 同香港國際機場結合,裏面重有港鐵站
  • 掌握地理嘅優勢,連接發展蓬勃嘅珠江三角洲同澳門一帶城市
  • 遊客可以搭機場快綫同接駁港鐵網絡去香港各區

附近嘅世界級娛樂同休閒景點[編輯]

亞洲國際博覽館有世界級旅遊景點喺附近,當中包括有香港迪士尼樂園香港國際機場翔天廊天壇大佛昂坪360吊車同航天城高爾夫球場

酒店住宿[編輯]

亞洲國際博覽館拍住多間星級酒店,為商旅客人提供國際水準嘅客房服務。喺大概1分鐘距離內,遊客可到附近嘅香港天際萬豪酒店同埋香港富豪機場酒店;而10分鐘車程內就有一間諾富特東薈城酒店。另外,喺博覽館30分鐘車程範圍內更有大概30,000間客房畀客人揀。

出面網頁[編輯]