亞洲遊戲展

出自維基百科,自由嘅百科全書
跳去: 定向搵嘢
亞洲遊戲展嘅標誌

亞洲遊戲展係喺2002年12月首次舉辦嘅一個電玩為主嘅香港大型展覽,2005年起再加入數碼產品展覽,每年喺香港會議展覽中心舉行。

起源[編輯]

亞洲遊戲展首次舉辦前,新力電腦娛樂曾經喺香港舉辦過【"PlayStation 2" EXPO】,正正係2001年12月PlayStation 2登陸亞洲市場。2002年,亞洲遊戲展首次舉辦,PlayStation 2 EXPO亦成為亞洲遊戲展嘅主要部分。由2005年開始,亞洲遊戲展同場新增咗數碼世界博覽會嘅概念,而且以亞洲數碼娛樂展嘅名義舉辦。數碼世界博覽會曾經喺1999年-2001年7月-8月舉行,屬於香港首個以消費者為主導嘅大型數碼產品及科技展覽會。2006年,亞洲遊戲展加入全新數碼生活元素,並且命名為高清數碼秀。

亞洲遊戲展2002[編輯]

亞洲遊戲展2002 宣傳海報
因為Sony Computer Entertainment Hong Kong Ltd. 2001年喺會展舉行嘅【"PlayStation 2" EXPO】獲得佳績,而香港政府亦想將香港發展成為數碼港,於是舉行一個亞太區最大型嘅電子遊戲展,以多元化嘅電子數碼娛樂為主題。而鄭秀文成為「2002亞洲遊戲展大使」,以CG神奇女俠嘅造形主唱主題曲「神奇女俠」。


亞洲遊戲展2003[編輯]

亞洲遊戲展2003 宣傳海報
比上年更加盛大,參展遊戲包括來自Square EnixBandaiNamcoSCEISegaEACapcomKonamiTecmoTaitoFrom Software、Atari等,超過38款遊戲免費任玩。有"GT之父"之稱嘅山內一典先生來港,而且首度公開GT4香港賽道,亦發售7款中文遊戲「GT4 Prologue~跑車浪漫旅4序章版」、「火線危機3~Time Crisis 3」、「死魂曲~SIREN」、「女忍者~Kunoichi」、「哈利波特Harry Potter Qidditch World Cup」、「魔戒Lord of the Rings. Return of the King」和 「Medal of Honor Rinsing Sun」。而「亞洲遊戲展大使」改為陳慧琳,以火辣女車手造形主唱主題曲「伶仃」,歌曲MV亦以「GT4跑車浪漫旅4」為主題。
跑車浪漫旅官方網站


亞洲遊戲展2004[編輯]

亞洲遊戲展2004 宣傳海報
參展商比上年更多,包括BandaiCapcomD3 PUBLISHER INC.EAERTAINEntertainment Software Publishing Inc.From Software、GenkiKOEIKonamiMARVELOUS INTERACTIVENAMCOSCEISegaSNK PlaymoreSquare EnixTaitoTecmoVivendi Universal等,有超過58款最新遊戲,其中有16款係全球率先試玩嘅未發售遊戲,超過150部遊戲機免費任玩。而SONY於場內公開試玩PSP,亦係東南亞首次公開。陳慧琳連任為「亞洲遊戲展大使」,以中古女武士造形主唱主題曲「情人戰」,歌曲MV以「時空幻境 重生傳奇 Tales of Rebirth」為主題,遊戲畫面亦出現喺MV中。
時空幻境 重生傳奇官方網站


亞洲遊戲展暨亞洲數碼娛樂展2005[編輯]

亞洲遊戲展2005 宣傳照
PS3首次公開於日本以外嘅亞洲城市,亦於日本空運亞洲第一個《PlayStation 3 未來影院》,公開11款PlayStation 3遊戲影片,本年提供85款PlayStation 2PSP遊戲免費試玩,35款係首次公開試玩嘅未發售遊戲。新增只限女性進入嘅女性專區「公主島」、「PlayStation 花車大巡遊」和「親子街」等等。古巨基接任為「亞洲遊戲展大使」,以銀河獵人造形主唱主題曲「明星」,歌曲MV以「俠盜銀河」為主題,遊戲畫面亦出現喺MV中。
俠盜銀河官方網站

2006亞洲遊戲展+高清數碼秀[編輯]

亞洲遊戲展2006 宣傳海報
2006亞洲遊戲展+高清數碼秀之焦點落在PlayStation 3身上,重提供50多款總共249部PS3PlayStation 2及PSP(PlayStation Portable)遊戲免費試玩。而今年亦再次邀請到GT之父山內一典先生來港,展示跑車浪漫旅HD(Gran Turismo HD)入面高清華麗虛擬嘅香港賽道。而為咗慶祝遊戲展踏入五週年,大會將舉辦「亞洲遊戲展五週年~狂熱電玩夜 Live Concert」,邀請到黃貫中何超儀Soler許懷欣Rosemary藍奕邦Dear Jane等每晚表演,首晚「三國無雙夜」嘅入場費將為香港癌症基金會慈善籌款,而其餘兩晚(「Final Fantasy 夜」以及「春麗之夜」)免費入場。今屆大會委任郭富城為「亞洲遊戲展大使」,並以「颷極風之子」嘅超時空賽車手造型主唱主題曲「風之子」,歌曲MV以PS3遊戲「跑車浪漫旅HD」為主題,MV主女角熊黛林喺片中同郭富城熱吻,擦出愛火花,成為當年最轟動嘅娛樂新聞。

2007亞洲遊戲展[編輯]

2007亞洲遊戲展預期有40萬人次入場。今年佔全場最大攤位面積係SCEH嘅PlayStation遊戲圍城,面積有16,000呎,場內有十多款首次畀公眾試玩遊戲軟件,並以最新高清電視播放PlayStation 3遊戲。因為今年係PlayStation喺香港十週年,向場內嘅試玩遊戲人士派禮物。呢屆嘅代言人係何韻詩鄭秀文,兩個人合唱主題曲《劍雪》。二人化身成為「星際女戰士」,喺MV中兩人更大打出手。MV由全高清拍攝,可以喺PS3『HiTV』高清台欣賞高清主題曲同制作花絮等。

亞洲遊戲展2008[編輯]

亞洲遊戲展2008喺2008年12月喺香港會議展覽中心Hall 1舉行,今年嘅PlayStation遊戲展覽館,特別設計成為一個佔地15,000呎嘅減壓遊戲空間,整個PlayStation遊戲展館會化身成為一個巨大嘅Spa。今屆嘅代言人係楊千嬅,主題曲以PS3遊戲「小小大星球(LittleBigPlanet)」為主題嘅《當女飛俠愛上萬能俠》。

亞洲遊戲展+香港網絡遊戲節 2009[編輯]

亞洲遊戲展x 香港網絡遊戲展2009喺2009年12月喺香港會議展覽中心5號廳 FG舉行,今屆嘅代言人係容祖兒,佢會化身成為「太空金屬女郎」唱出今屆主題曲「桃色冒險」,MV內嘅祖兒穿梭古今遊戲世界入面載歌載舞。

亞洲遊戲展2010[編輯]

亞洲遊戲展2010將會喺本年12月喺香港會議展覽中心5號廳 FG舉行,今年大會將以「破框震撼‧3D體感遊戲」為主軸,現場設有多款遊戲示範,畀入場人士可率先體驗市場上最新嘅體感遊戲產品。今屆嘅代言人為陳冠希,佢將會唱出今屆主題曲「Man in the mirror」,喺首歌入面佢首次披露2年來嘅心路歷程。

出面網頁[編輯]