亞洲電視
出自維基百科，自由嘅百科全書
亞洲電視有限公司（Asia Television Limited，簡稱ATV，官方簡稱為 aTV），香港人一般簡稱為亞視，係香港第一間電視台，1957年5月29號成立。亞視有五個頻道，佢哋係「本港台」、「國際台」、「亞洲高清台」、嚟自中華人民共和國嘅「中國中央電視台中文國際頻道」同埋嚟自中華民國嘅「中天亞洲台」。
香港只有兩間電視台獲政府發牌經營本地免費電視節目服務，亞洲電視係其中之一，另一間係無綫電視，亦即係佢嘅主要競爭對手。但由於近年亞視主攻內地市場，不斷外購大量內地連續劇集，加上長期積弱，造成「慣性收視」，亞視嘅收視長期處於個位數，所以亞視亦都經常俾人叫做「二奶台」（無線係「大婆台」）[1]。
[編輯] 歷史
亞洲電視原本叫「麗的映聲」，早期以收費有線廣播形式經營。1963年9月成立麗的電視中文台。1973年4月攞到無線廣播牌照，開始改為無線免費廣播，改名做「麗的電視」（英文：Rediffusion Television，簡稱麗的或者RTV）。1982年9月24日改名「亞洲電視」。
公司曾經多次易手，包括1981年3月嘅三大澳洲財團：大衛森、亨利鍾斯、CRA有限公司；1982年6月邱德根旗下遠東集團；1988年林百欣家族嘅麗新集團同埋鄭裕彤家族嘅新世界集團；1998年封小平、劉長樂（「龍維有限公司」、「聯旺有限公司」）；2002年VMH控股有限公司 (Vital Media Holding & Limited)。2006年5月12日晚上亞視突然宣佈，引入中信集團旗下「中信國安集團公司」購買發行嘅「新股」同埋陳永棋嘅「舊股」，變相入股亞視22.22%權益，並且派兩名代表加入董事局。交易完成後陳永棋同埋劉長樂仍然係大股東，兩人合共持有亞視超過七成權益。陳永棋接受訪問嘅時候表示有意將亞視上市但係未有時間表。
[編輯] 參考
- ↑ 唔少文章都以二奶台稱呼亞洲電視：
，而亞洲電視亦廣為香港人所歧視同漠視，所以喺香港甚少會提及嗰個台嘅動向，喺鄰近地區嘅廣播界亦屬罕見。 雅虎香港搜尋 (繁體中文)。 喺二零零八年四月五日揾到。
郭繾澂 (9-6-2007)。 亞視能否以劇集勝無綫？ (繁體中文)。 明報。 喺二零零八年四月五日揾到。
李重言。 電視原聲：麗的亞視半世紀的精彩 (電視劇原聲大碟) (3CD + Bonus DVD) (繁體中文)。 yesasia.com。 喺二零零八年四月五日揾到。
