亞洲電視魅力資訊頻道

亞洲電視魅力資訊頻道（簡稱aTV4，英文：Her TV）係香港亞洲電視一條以標清格式播放嘅數碼頻道，頻道冧巴係14，並用16:9闊屏幕畫面播。呢條頻道喺2007年12月31號開始播。呢條頻道多數播購物、潮流及娛樂等有關資訊性嘅節目，並有少少連續劇。呢條頻道要用升級版DMB-T/H接收器先至收到。

2008年夏季奧林匹克運動會舉行期間曾經改叫奧運14台，連埋本港台、奧運13台、奧運15台同埋高清奧運19台全天侯多角度直播奧運賽事。

由於亞洲電視重組佢嘅數碼地面電視頻道，魅力資訊頻道自2009年4月1號起停播，一啲魅力資訊頻道嘅節目轉至亞洲高清台繼續播放。而個頻道冧巴14就畀咗嚟自台灣嘅標清數碼頻道中天亞洲台。