亞蘭島

出自維基百科,自由嘅百科全書
  呢篇文講屬於蘇格蘭嘅亞蘭島。想搵愛爾蘭嗰幾個名稱相似嘅島嘅話,請睇亞蘭群島
亞蘭島

亞蘭島(蘇格蘭蓋爾文:Eilean Arainn英文Isle of Arran)係蘇格蘭嘅第七大,嘉禮灣(Firth of Clyde)嘅第一大島,面積432平方公里2001年普查顯示有大概5000人長住。亞蘭島嘅文化同夏伯歷群島嘅文化好相似,但係就被堅治亞半島隔開咗。

亞蘭島從新石器時代開始就有人長住,所以島上面重有好多新石器時代留低嘅遺跡。從公元6世紀開始,來自愛爾蘭蓋爾人開始佔領亞蘭島,將個島變成咗一個宗教活動中心。喺維京人時代,亞蘭島曾經被挪威維京人搶走,但係到13世紀就被蘇格蘭王國搶返。19世紀英國當局推行嘅高地人大遷徙,令到亞蘭島嘅人口急跌,亦都導致咗蓋爾人傳統生活方式嘅沒落。

名嘅來源[編輯]

蘇格蘭好多島仔自鐵器時代以來被至少會講四種語言嘅人所佔領,所以呢啲島仔嘅名可能嘅含義會有好多。因此,唔係一個特殊島嶼嘅亞蘭島,佢個名嘅來歷目前重未清楚。馬克·安·泰尼爾(Mac an Tàilleir)喺2003年話「亞蘭(Arran)呢個詞語同愛爾蘭並無關連」(佢嘅意思係話「腎嘅形狀」,同愛爾蘭文中 ára「腎」作比較)。