他信
出自維基百科，自由嘅百科全書
 |
呢篇文嘅中立性有得拗；佢嘅內容、語氣可能太過主觀、側埋一邊，或者地方色彩太重。 請喺編輯之前睇下討論版。 喺拗掂數之前，唔好拎走呢通告示。 |
他信（泰語：ทักษิณ ชินวัตร； 全名譯名：他信·先阿哇察；中文名：丘達新，1949年7月26號—），出生喺泰國北部清邁府，第四代泰國華裔，做咗兩屆泰國總理，嗰陣時泰國以他信經濟聞名。
目錄 |
[編輯] 生平
1949年7月26號，他信出生喺泰國清邁府嘅一個華人家庭，佢嘅父母都係祖籍中國廣東梅州嘅客家人。
他信喺1994年開始從政，做過泰國外交部長、內閣副總理、正義力量黨黨首等職位。1998年7月14日，他信創建泰愛泰黨，最後做埋黨主席。喺2001年2月成為泰國第23位總理。佢仲係泰國首位成功連任嘅總理。
2006年2月24號，他信突然宣布解散國會下議院，提前舉行選舉 [1]。
4月4號，他信晚間正式宣布，為咗恢復國家嘅團結，佢將唔再出任下屆政府嘅總理。佢解釋，做出如此決定嘅主要原因係泰國正在慶賀泰皇登基六十周年 [2]。
[編輯] 尋根返故里
他信嘅父母分别來自中國廣東省梅州市嘅豐順縣同梅縣，他信因而承繼咗百分之百嘅客家血統。他信亦有客家認同，因此，按照客家人嘅確認方式，他信可以算係一位東南亞客家人，而唔單只係客家後裔。
另外，由於喺他信祖輩離開廣東嘅時候，豐順仲係畀潮州管嘅，所以他信祖籍亦係潮州，為潮人第四代後裔。
2005年初，他信帶埋屋企人訪問中國廣東省大埔縣，展開尋根之旅；2005年7月，他信以泰國總理嘅身份，訪問廣東梅州同潮州。
[編輯] 政績
[編輯] 法律訴訟
他信而家有鑊，原因係渠夫人寶乍文先阿哇察曾響2003年泰國金融機構發展基金（FIDF:Finance Institute Development Fund）嘅一次拍賣中買入曼谷叻猜拉披色路一個繁華地段上嘅某一忽地皮，而家政府話因為他信當時做緊總理，所以係有嫌疑違反咗泰國「反貪污法」嘅。嗰次地皮拍賣成個過程係由泰國银行監督嘅，渠哋就一再堅持話交易係完全按法律程序舉行 [1]。2007年6月21號，泰國最高法院正式向泰國大理院提出檢控 [2] [3] [4]。
