伍秉鑑

出自維基百科,自由嘅百科全書
跳去: 定向搵嘢

伍秉鑑Howqua1769年1843年9月4號)又名伍敦元,商名伍浩官,祖籍中國福建,係清朝中葉富商,廣州十三行怡和行嘅行主。2007年4月初被亞洲華爾街日報選為「近千年世界最富有五十人」裏面六位華人富豪之一。

生平[編輯]

佢老頭伍國瑩曾經喺潘振承屋企擔任帳房,後來經營怡和行,畀外商稱為「浩官」。1801年,伍秉鑑接手怡和行,識得籠絡其他行商,1811年,伍秉鑑擔任英國公司羽紗銷售代理人,佢將利潤按比例分畀全體行商,長期擔任十三行公行嘅總商。伍秉鑑識得同洋人建立良好嘅情感,伍秉鑑重係英國東印度公司最大嘅債權人,被認為係當時嘅中國首富,財產有2600萬銀元。美國商人亨特喺《廣州番鬼錄》度講:「伍浩官究竟有幾多錢,係大家成日辯論嘅題目。」;「1834年,有一次,浩官對佢自己嘅各種田產、房屋、店鋪、銀號同埋運往英美嘅貨物等財產估計咗一下,有大概2600萬元。」嘉慶末年至道光初年,伍秉鑑包庇外商走私鴉片,畀林則徐話過好多次。1817年,一架由怡和行擔保嘅美國商船被官府查獲走私鴉片,伍秉鑑被迫交出罰銀16萬兩。林則徐封鎖商館,斷絕糧、水等供應,伍秉鑑暗中供應畀外國人食品同飲用水。1840年6月,第一次鴉片戰爭爆發嗰陣,伍秉鑑同其他行商積極募捐,出資修建堡壘、建造戰船。戰後,曾獨自承擔南京條約中外債300萬中嘅100萬,朝廷恩賜三品頂戴。同年喺廣州伍家花園病逝,譚瑩寫碑文話:「庭榜玉詔,帝稱忠義之家;臣本布衣,身系興亡之局。」佢死咗之後,佢嘅第五個仔伍紹榮接手家業。