佐敦道

佐敦道（Jordan Road），舊時亦叫佐頓道，係香港九龍一條街道，東起京士柏，向西經佐敦、官涌、渡船角到西九龍新填地海皮，近新油麻地避風塘。佐敦道東西打通九龍半島南部，係呢帶主要嘅路。

史

佐敦道1887年起好，原本叫第六街。1903年3月，香港政府執街名。見病理學家兼醫生佐敦（G. P. Jordan）抗鼠疫有功，就將條街改名。佐敦亦做過香港政府嘅衞生官同香港大學校長。

原本條街只係去到佐敦道碼頭，家下渡街角嘅位置。因為1990年代香港要發展新機場，連帶九部半島西岸大幅填海，發展交通。所以佐敦道一直伸到去近新填地海邊嘅海寶路。

註

你可以維基同享呢類嘅媒體資源：
Category:佐敦道