何俊仁

何俊仁
何俊仁
香港市民支援愛國民主運動聯合會主席
	現任
	就任日期; 2014年12月15號
前任	李卓人
民主黨主席
	任期; 2006年12月17號－2012年9月10號
前任	李永達
繼任	劉慧卿
屯門區議會議員
	任期; 2000年－2015年
前任	盧志雄
繼任	何君堯
選區	樂翠選區
香港立法會議員
	任期; 2012年10月1號－2016年9月30號
選區	區議會（第二）功能界別
	任期; 1998年7月1號－2012年9月30號
選區	新界西選區
香港立法局議員
	任期; 1995年10月11號－1997年6月30號
選區	新界西選區
個人資料
性別	男
別名	Albert
出世	1951年12月1號（72歲）; 英屬香港
籍貫	廣東中山
國籍	中國（香港）
政黨	民主黨（1994年至今）
其他政黨	太平山學會（1985年至1990年）; 香港民主同盟（1990年至1994年）;
配偶	鄧淑儀
親屬	細佬何俊麒
居住地	香港香港島天后
學歷	聖猶達小學（中文：聖猶達小學）; 蘇浙公學; 何明華會督銀禧中學（中文：何明華會督銀禧中學）; 香港大學法律學學士; 香港大學法學專業證書;
專業	執業律師同公證律師

何俊仁（Albert HO Chun-yan；1951年 12月1號—），人稱「鐵頭仁」，係香港執業律師同公證律師、香港大學法律學學士，香港立法會前議員，屯門區議會前議員，民主黨前主席，香港市民支援愛國民主運動聯合會秘書、保釣行動委員會副主席。佢唔止係泛民主派元老級人馬，重係盧俊宇嘅師父。

屋企[編輯]

何俊仁祖籍廣東中山，香港出世。何俊仁屋企除佢從政之外，佢細佬何俊麒係民主黨中西區區議員。

何俊仁喺2012年香港特別行政區行政長官選舉前後，多次抨擊梁振英涉嫌誠信有問題，但原來佢本人亦牽涉「誠信」問題。根據報紙報導：何俊仁喺2004年同埋2008年香港立法會選舉後兩度漏報自己有公司股份及董事職位物業利益；另外，何俊仁原來亦曾懷疑捲入僭建風波，其天后廟道飛龍台寓所露台疑僭建。被質疑雙重標準、「講大話」及寬己嚴人等。

1992年，港同盟立法局議員吳明欽病逝，港同盟安排何俊仁參加補選，輸咗畀鄧兆棠。1995年參選區域市政局選舉，贏咗陳雲生當選，並且成為票王。

佢喺1995年開始做立法局議員。1998年、2000年選為立法會議員。2004立法會選舉，佢再度代表民主黨，重同元朗區議員張賢登合組名單出選新界西選區，以62,342票當選，同區對手有民主派獨立議員陳偉業名單，職工盟李卓人、葉岳峰名單，查錫我名單，同埋民建聯嘅譚耀宗、張學明名單同自由黨周梁淑怡、丁午壽名單咁。

喺第三屆立法會主席嘅選舉之中，民主派派出何俊仁挑戰連任過兩次嘅主席范徐麗泰，唔成功。

2016年，何俊仁參選第6屆香港立法會選舉嘅新界西選區直選，佢排喺尹兆堅名單第二位，結果落選。

2021年9月2號，佢同黎智英、李柱銘被香港賽馬會終止會籍。^[2]

2006年 8月20號下晝五點幾，何俊仁去完反銷售稅遊行後，到中環皇后大道中嘅麥當勞餐廳食嘢時，俾三至四個人襲擊受傷，相信襲擊動機同佢嘅律師事務有關。佢係繼已故港同盟立法局議員吳明欽同民主黨主席兼立法會議員李永達後遇襲嘅立法機構議員，亦係香港主權移交之後首位遇襲嘅立法會議員^[3]。

事後，何俊仁送入瑪麗醫院留醫，需要做手術^[4]。

8月24號，出院返屋企，而佢律師事務所再收到匿名恐嚇信，入面有刀片同寫咗四行字^[5]。

8月30號，接受鼻骨矯型手術，有關手術順利完成，七成視力恢復^[6]。

10月12號，喺粵港兩地警方合作之下，有四男一女分別喺香港同廣東中山被捕，懷疑同案件有關，疑犯第二日俾香港警方帶去現場重組案情。

案中四個被告喺2007年 2月5號認罪，首被告稱早前曾因為公屋申請、綜援同工作等問題搵過何俊仁幫手，何冇接佢。好激氣，用二萬五港紙請打手，一齊落手，法官質疑被告嘅啲錢點嚟，又話被告供詞疑點重重。控方指案件或者另有內情，重話佢未喺香港住滿七年，唔合乎申請公屋資格。

2019年11月19號（當時正值香港修例風波），何俊仁喺夜晚7點幾搭港鐵返屋企期間，畀成班黑衫人圍毆。

2014年 2月26號，立法會搞緊財政預算案宣讀，傳媒影到坐響議事廳嘅何俊仁用緊平板電腦睇靚女相^[7]，之後何俊仁解釋話自己好攰，所以先至做咗啲唔應該做嘅嘢。