何振梁

出自維基百科,自由嘅百科全書

何振梁粵拼ho4 zan3 loeng41929年12月29號2015年1月4號)係一位中國政府嘅官員,中國浙江省金華市上虞市人,喺江蘇省無錫市出世。佢做過中國奧林匹克委員會嘅名譽主席同國際奧委會嘅名譽委員。

生平[編輯]

何振梁1929年12月29號喺江蘇省無錫市出世。之後喺1939年到1946年去咗上海中法學堂度學習,學咗一口流利嘅法語。之後1950年喺上海震旦大學機電系畢業。1952年就做咗中國體育代表團嘅成員,去咗芬蘭第15屆奧林匹克運動會。喺195060年代,嗰時毛主席喺接鬼佬嗰時嘅法文翻譯,都係靠佢先掂。到咗1981年,佢做咗國際奧委會委員。1989年做咗中國奧委會主席嘅同時,重一齊做埋國際奧委會副主席[1]

幫過北京申辦2000年同2008年奧運會[編輯]

佢其實喺1993年先至俾大多數人知,因為佢去咗法國蒙地卡羅幫過北京申奧(2000年夏季奧運會),嗰時凈係1——2票輸咗畀悉尼,不過噉都冇影響到申辦情緒啵。因為佢喺2000年做咗國際奧委會文化同奧林匹克教育委員會嘅主席,甚至喺2001年又再幫北京申辦咗奧運會,嗰時何振梁已經72歲,佢就諗中國北京可以攞到奧運會嘅主辦權。結果嗰年7月13號幫北京成功攞咗2008年奧運會嘅主辦權[2]

重新再關注[編輯]

佢到咗2008年就開始冇乜人氣喇。不過佢同嗰時上一任中華人民共和國體育總局局長——袁偉民嘅拗數又重新俾人關注返。

[編輯]

2015年1月4號,佢喺北京協和醫院入面死咗,終年85歲[3]

[編輯]

  1. . 新京报. 2015-01-04.
  2. "奥运老人"何振梁去世 享年86岁. 中国新闻网. 2015-01-04. 原著喺2016-03-04歸檔.
  3. 国奥委会名誉主席何振梁逝世 曾参与北京申奥. 搜狐体育. 2015-01-04. 喺2015-01-04搵到.

連出去[編輯]