信貸違約掉期

出自維基百科,自由嘅百科全書
跳去: 定向搵嘢

信用違約掉期Credit default swapCDS)係種信用風險轉移契約,契約雙方包括信用違約風險保護買方(protection buyer)同信用違約風險保護賣方(protection seller)。

[編輯]

你有甲公司發行嘅面值100萬、5年期債券,如果驚甲公司違約,令你損失,你可以同乙公司(例如銀行),訂立信用違約掉期契約,年期通常有5年,代價係有效期內,你每年要畀銀行一筆固定嘅錢,叫 basis point spreadbps。例如100bps咁,即係你每年要畀100萬×100×0.01%,即係1萬蚊畀乙銀行,通常每季畀一次錢,即係每季你要畀乙銀行2500蚊。如果5年內都無任何信用違約,咁你得唔到任何賠償,乙銀行5年總共賺咗5萬蚊;之但係,假設響第二年甲公司違咗信用約(credit default),咁你一方面唔使再交保費畀乙銀行,乙銀行重要賠錢畀你。

[編輯]

信用違約掉期法,通常有兩種,第一種係實物交收,即係乙銀行用100萬幫你買返甲公司嘅債券,無論甲公司債券,市價值幾多錢。第二種係現金結算,假設甲公司債券嘅剩餘價值(recovery value)係面值嘅20%,咁乙銀行會支畀你100萬×(1-20%),即係80萬銀。

保費[編輯]

如果一間發債機構信用評級調低咗,又或者市場預期,呢間發債機構嘅信用違約風險增加,咁呢間發債機構嘅債券,佢嘅信用違約掉期 bps 就會上升,換句話講,你要畀多啲保費,相反亦然。

OTC[編輯]

信用違約掉期係喺所謂 OTC(over the counter)市場買賣,即係唔會經交易所買賣。