倖存偏見

出自維基百科,自由嘅百科全書
跳去: 定向搵嘢

倖存偏見,係偏見一類,大難篩選之中,偏向聽到倖存人事之說法,遇害嘅,不見光,無人理。如此偏見,係邏輯錯誤,往往得出錯嘅結論。由於聽倖存嘅經驗,令到聽者過份樂觀,失敗經驗完全忽畧。有時誤導大眾,倖存者都有同一特徵,有時可能係真,但亦有可能純粹巧合

財經之上,往往只統計現存。如分析一眾公司表現,成功嘅公司長在,而失敗無咗嘅公司,分析就剔在外,到最尾,就偏向成功嘅公司。如投資基金表現,成功基金長在,而失敗基金會收起,或者合拼,結果睇來多數基金表現都好好。