倫敦動物園
倫敦動物園喺倫敦北區，佔地三十六英畝，攝政公園（Regent Park）動物園，係世上最古老嘅動物園之一。響1828年成立之後，園內林林總總珍奇嘅動物成為科學家研究嘅對象；1847年開始對大眾開放之後，就變成世界上最有名嘅動物園。而家動物園係大約五百六十種動物嘅屋企，細至螞蟻，大至大象。
佢係由1826年成立嘅倫敦動物學會管理，位於攝政公園（攝政運河行過去）嘅北面。呢個學會另外有一個闊落嘅地方 —— 惠普斯奈德野生公園（ZSL Whipsnade Zoo）坐落百福郡市郊。近年越來越多大型動物，好似大象或犀牛，搬到去呢個動物園。
倫敦動物園擁有好多「世界第一」嘅展館：例如1849年起好嘅爬蟲館、1853年開放水族館、1881年就擁有第一個昆蟲館同1938年起好，世界上第一座畀細路嘅動物園。
動物園建築風格[編輯]
園內除咗擁有超過一萬二千隻動物之外，裏面重有一百一十三個遺產古蹟，包括有:
- The Clock Tower（1828年起嗰時係駝羊之家）同 長頸鹿之家（1836-1837），都係 Decimus Burton 設計 (兩間都係以及歷史建築兩間都係二級歷史建築）。
- The Mappin Terraces（1913-1914）由 Sir Peter Chalmers-Mitchell (1864-1945) 同 John James Joass 設計建造，列為二級歷史建築。直到1997年，都係懶熊同 Hanuman Langurs 嘅屋企。
- 象屋同犀牛屋（1962-1965）係由 Hugh Casson 同 Neville Conder一齊設計（Grade II* listed）。響2007年春天，原址成為咗單峰駝同Bearded 豬以及（暫時性）嘅鳥屋。
- 新大猩猩專用區於2007年4月啟用，呢區有模擬非洲加蓬雨林嘅高溫瀑布、隱蔽山窿同私家運動場設施，營造出一個浪漫嘅環境，園方希望藉此引誘十四歲大猩猩公「埃菲」嗰年大佢九歲嘅大猩猩乸「邦戈」交配成功。面積總共六十五萬平方米嘅大猩猩專區，重安置過咗生育年齡嘅大猩猩公「扎伊爾」。
過往嘅動物明星[編輯]
- 倫敦動物園曾飼養過當時數量極為稀有嘅擬斑馬同袋狼，甚至影埋相。呢兩種動物而家都已經絕種。
- Obaysch：Obaysch 喺 1850年 嚟到倫敦動物園，成為自羅馬帝國之後歐洲第一隻河馬，亦都係英國第一隻河馬。
- Jumbo：係1880年當時所知最大嘅象，佢嘅名更成為咗龐大身軀嘅字眼意義。佢響年老時開始變得有攻擊性，唔再適合畀遊客騎；最後佢賣咗去Phineas Barnum嘅馬戲團渡過餘生。英國飼養大象已經有一佰七十年咁耐，但繁殖成功率就非常之低。生下來能夠存活超過五年嘅象仔，響呢段期間唔超過五隻。
- Winnie：係響1914年入園嘅美洲黑熊，由加拿大陸軍中尉所送贈。作家 A.A. Milne 帶埋佢個仔羅賓參觀時，見個仔好鍾意同隻母黑熊玩，於是寫咗本好出名嘅書送畀佢，並為書中熊仔改名做 Winnie The Pooh。
- Josephine：一隻大型嘅印度犀鳥，係該園最年老嘅動物。佢住響鳥屋裏面直到1998年先死，享年53歲。
- Guy the Gorilla：一隻低地大猩猩由1947年響動物園住，直到1978年先死去。喺佢老年時，成為成為公園最受歡迎嘅一位住客。
- Brumas：Brumas 係第一隻響園內出世嘅北極熊，估計喺1949年出世。起初以為佢係男仔，但其後佢被證實係女仔。但好多遊客幾個月嚟都接受唔到佢「變性」呢個事實。「Brumas」呢個名係由佢嘅兩個飼養員：BRUce 同 SAM 合併而成。Brumas 好受遊客歡迎，首年更吸引三佰萬個遊客過嚟睇佢。
- Eros：1950年，Eros 係隻野生雪鴞，因一次風暴而嚟到動物園。佢一世，做咗園內三個配偶同五十七隻幼雀嘅爸爸，1993年死。
- Chi Chi：1958年佢成為園內第一隻飼養嘅大熊貓，係西方國家第一隻飼養嘅大熊貓之一。
- 全球首間蛙類綜合保護中心館喺 2007年向公眾開放。
動物園與電影[編輯]
好多電影同電視節目都響倫敦動物園取景。好似哈利波特神秘的魔法石中拍過爬蟲館一景。但電影中飼養緬甸蟒蛇嘅籠原本養嘅動物係 Black Mamba。