倫文敘老點柳先開

出自維基百科,自由嘅百科全書

倫文敍老點柳先開》係香港出品嘅搞笑式電影,改自同名粵劇

劇情大綱[編輯]

倫文敘柳先開都係廣東嘅著名才子,兩個人成日用啲鬼馬嘅文章同埋玩諧趣鬥氣而聞名,不過兩個人嘅性格其實係兩個極端,亦因為咁而成日發生口舌之戰。

柳先開為人正直,武功高強,最鍾意抱打不平,以警惡懲奸而廣受普羅大眾嘅歡迎。至於倫文敘份人就鬼馬多端,成日用埋晒啲小聰明嚟整蠱人,搞出好多抵死過癮嘅笑料出嚟。

某一年嘅鄉試,兩個人一齊去應考,點知倫文敘僥倖高中咗,搞到柳先開耿耿於懷,於是發誓要搵倫文敘再比高下。之但係原來倫文敘其實唔鍾意讀書,只係因為俾佢啲鄉紳同埋娘親嘅威迫利誘低下先至走去省城嘅明校就讀,亦因為咁先會同柳先開成為同學仔。喺學校裏面,兩人成日鬥氣不在話下,更因為一齊追女同學程情搞到笑話連篇。

明校嘅校長向錢漢為人極之勢利,而且孤寒成性,重整咗好多古靈精怪嘅規矩要學生遵守;不過自從先開同埋文敘嚟到呢間學校之後,成日玩返校長轉頭,搞到校長成日出醜。有一次,明校為咗要同東方書院爭奪一年一度嘅校際比賽冠軍,校長向錢漢就請咗李尋歡嚟教書,希望藉此挫一挫東方學生嗰種囂張嘅銳氣,點知比賽嗰日,東廠高手突然殺到嚟,重話要緝拿李老師,先開同埋文敘覺得件事有啲唔妥,認為係別有內情,於是決定聯手一齊去偵破呢單嘢,兩個鬥氣冤家亦因為呢件事而從此建立友誼。

出場角色同埋演出者[編輯]