假如我是真的

《假如我是真的》係齣臺灣電影，王童導演，譚詠麟主演。同名主題曲由鄧麗君唱。劇本改編自大陸劇作家沙葉新嘅同名劇本。1981年攞到第18屆台灣電影金馬獎。

齣戲講有個中國大陸上山下鄉嘅男後生。佢返鄉下探佢女友（胡冠珍飾）個老豆（常楓飾）。人哋知佢身世，睇死佢冇出色。有次呢個男仔見到有位高幹子弟俾人巴結，所以佢決定冒充高幹，搵着數。果然有人信以為真，圍住巴結奉承，當佢做貴賓，但係佢終於俾人識穿。呃啲官嘅下場係槍斃。

主題曲

主題曲嚮片尾出現，講想做清泉流水，似個自由人，唔想成日喊，鏡頭係男主角死咗，牆上寫住「假如我是真的」。曲調哀怨，音樂同影像撈埋成個蒙太奇。