元朗明渠

元朗明渠係喺香港元朗市中心嘅一條主要排水道，貫穿元朗郊區（大棠、元朗南）、元朗市（元朗大馬路、朗屏同工業邨）、以及大生圍，由南至北，下游接山貝河，再流入后海灣。元朗明渠設計又闊又深，多年嚟為元朗市同郊區排走雨水。

[編輯] 污染

去明渠嘅水一向有污染，加上近年渠務改善工程疏導雨水，明渠大部份時間水流量低，水帶污泥同其他污染物，水質混濁。同埋早年有啲鋪頭食肆將污水渠駁入明渠，垃圾、上游家禽嘅排泄物、污水。明渠發出陣陣臭味。

雖然近年政府努力整理渠道、收回禽畜飼養牌照，以及加強撿控違例人士，但環境仍有改善空間。大部份渠面喺長時期乾涸下，渠面不時有死魚、樹枝等垃圾，又因表面經常鋪滿泥塵，這些泥塵畀強風吹起，引致唔少環境問題。

現時元朗明渠兩邊種咗少量樹木，亦有少量長櫈畀人休息。但由於明渠景觀欠佳同欠缺涼亭等配套設施，只有好少長者用長櫈。明渠附近環境屬市中心（大馬路附近一帶）同工業區（橫洲附近一帶），環境一係過嘈，一係過僻，現時情況根本未能發揮休閒活動之用。明渠兩邊部份地方，長期畀人用作放置或者棄置雜物，有礙觀瞻。

由於元朗市發展過份集中於元朗大馬路一帶，以致元朗明渠附近人流經常非常擠迫。元朗明渠一帶經常出現人車爭路情況。因長期日曬，加上人車密集，造成元朗區出現「熱島效應」，元朗市往往比市區氣溫高出2-3度。

此外，元朗區人口達40幾萬，但無乜休閒用地。偶爾見到有青少年攀越圍欄，入明渠地基遊玩嬉戲，好鬼危險。

元朗明渠及附近環境確實有欠衛生、綠化及配套不足，社區長期欠缺休閒用地。呢啲問題急需政府部門解決。