內伶仃

出自維基百科,自由嘅百科全書
新安縣下伶仃島,就喺圖左中嘅Lintin I.

內伶仃,亦都叫內伶仃島,原本就咁叫伶仃島伶仃零丁山等,係伶仃洋上面一個島。佢響香港屯門爛角嘴西便,深圳赤灣蛇口東南。個島歸深圳南山蛇口管[1][2],不過曾經同珠海有爭議。[3]史上內仱仃係去廣州嘅水道,內伶仃、爛角嘴同埋后海灣洋面係船聚集嘅地方。內伶仃向面行,穿過伶仃洋就遇到另一個島,係珠海淇澳。史上個島歸屯門鎮管,所以文獻上嘅屯門島,有可能指內伶仃。

屈大均係《廣東新語》度提過,赤灣附近零零丁丁有個山(島),所以叫零丁山,所以連海都叫做零丁洋。零丁山將零丁洋分兩邊,東面係內則,比較細,叫小零丁洋,而西便係外則,比較大,叫大零丁洋。小零丁洋即係香港新界到內伶仃嘅洋面,而大零丁洋即係內伶仃到淇澳嘅洋面。[4]

外伶仃離內伶仃好遠,響香港長洲南面。

地理[編輯]

香港白泥望去個島

內伶仃係個三角形嘅島,面積有921.64公頃。最高點係尖峰山,高338米。西面𡰪𡰪係牛脷角,東南係東角嘴。南面有南灣,北面有東灣。佢東面有紅樹林,唔少候鳥都會響度過冬。

內伶仃因為近珠江口,珠江嘅沙坭令到海水帶黃。

個島孤懸海上,去比較近嘅地嘅話,向東行到爛角嘴,向東北行到赤灣,蛇口,東向北偏北行到孖洲同大鏟,向西行到淇澳,向南到大嶼山,向東南龍鼓洲沙洲。水路嘅話,北行經沙角珠江廣州,南行見澳門萬山羣島南海,東南經龍鼓水道汲水門到香港維多利亞港

[編輯]

香港青山望過去

大宋[編輯]

大宋時已有零丁洋之稱,皆因有零丁山,零零丁丁在洋面。

大元[編輯]

宋人文天祥,畀大元軍捉後,有首詩叫過零丁洋

大明[編輯]

大明時叫零丁山,歸新安縣。佛朗機人講嘅屯門島,零丁山係其中一個可能地點。

1513年,大明佛朗磯人(即葡萄牙人)Jorge Alvares上內伶仃[5],咁佢起咗個寨同埋棟咗條條石柱,上面刻埋葡國國徽。1518年,大明水師攻上去,剷平個寨[6][7]。1522年,大嶼山同屯門之間洋面,大明水師大破葡艦。[8]

大清[編輯]

大清叫零丁山,歸新安縣。以前有唔少外國商船在此補給。英國人記,時時停零丁山,等入虎門省城

中華民國[編輯]

中華民國,內伶仃如同大清,歸新安縣。民國新安縣後尾改名寶安縣。

中華人民共和國[編輯]

中華人民共和國佔領廣東之後,為咗加強防務,喺1952年12月,將個島,連同寶安東莞中山三縣嘅所有島都劃做一個縣,叫漁民縣,屬廣東省,縣治就喺唐家村。個縣重包括萬山羣島、內伶仃同外伶仃等百幾個島。1953年,漁民縣改名珠海縣。[9]

1955年6月7號,廣東省人民委員會發信畀內務部,請求將內伶仃劃返畀寶安管[10],原因係島近寶安,島民生活都去蛇口補給。6月28號,國務院同意將島歸返畀寶安[11]。7月19號,廣東省人民委員會公布國務院文件。[9]

1980年代,寶安縣連同內伶仃歸畀深圳市管。同期,珠海縣改為珠海市。1984年4月29號,廣東省政府要喺島上面,内伶仃島森林生態系統植物自然保護區,歸深圳市管。1988年5月9號,國務院公佈第二批國家级自然保護區,裏面有內伶仃島-福田紅樹林自然保護區,歸深圳管。[9]

內伶仃管轄權一向都相安無事,直到去1989年,珠海想起伶仃洋大橋,由淇澳駁經內伶仃去深圳同香港,想拎返個島。[12]1990年珠海跟據1953年文件,行使管轄權,爭議從此而起。[3]

1992年,廣東省民政廳公佈《關於深圳市與珠海市之間海涂行政界綫劃定問題和裁決書》,將島劃畀珠海。個判決引起深圳不滿,所以深圳一直上訴,但係不得要領。深圳治下一漁村想起渡假村,結果引起爭議。深圳同珠海兩地,都爭相響上面起派出所示轄權,結果要省政府下令撤走所有派出所。[3]

2003年,深圳市省人大代表搵返1955年文件,證明個島應該歸深圳,而非珠海。2004年終於得到省政府重新覆核。

生態[編輯]

內仱仃有生態價值,所以就劃做自然保護區。島岸有紅樹林[13]不過生態受到海水污染薇甘菊威脅。[14][15]

[編輯]

  1. . 城市地頭網. 原著喺2009年8月22號歸檔. 喺2008年1月13號搵到.
  2. . 深圳網. 原著喺2006年8月14號歸檔. 喺2008年1月13號搵到.
  3. 3.0 3.1 3.2 伶仃岛属深圳还是珠海? 权属之争将有定案. 2004. 原著喺2010年8月29號歸檔. 喺2008年1月13號搵到.
  4. 屈大均. .
  5. Brage, J.M. (1965). China Landfall 1513, Jorge Alvares Voyage to China. Macau: Imprensa Nacional.
  6. Cortesão, A (1944). The Suma Oriental of Tome Pires and the Book of Francisco Rodrigues. London: Hakluyt Society.
  7. 龍思泰 (Anders Ljungstedt) (1832, 1997). . 北京: 東方出版社. {{cite book}}: Check date values in: |date= (help)
  8. "EIA Report - Part 3 Section12 Annex B". 環境保護署.
  9. 9.0 9.1 9.2  . 原著喺2005年1月20號歸檔. 喺2008年1月13號搵到.
  10. 廣東省人民委員會致內務部第222號函
  11. 國務院第63號文批覆
  12. 白归属变糊涂官司 拖沓十年却忽视民生 仃岛纷争动粤高层. 原著喺2008年7月19號歸檔. 喺2008年1月13號搵到.
  13. 伶仃岛—福田自然保护区(官方網站). 原著喺2007年12月31號歸檔. 喺2008年1月13號搵到.
  14. 江口海域95%的海水被重度污染. 新華網.
  15. 甘菊为害内伶仃岛 600猕猴生存受威胁. 人民網. 原著喺2007年8月18號歸檔. 喺2008年1月13號搵到.

坐標: 22°25′N 113°48′E