公主與青蛙

《公主與青蛙》（英文：The Princess and the Frog）係一部由和路迪士尼喺2009年製作及發行嘅動畫戲電影。套戲最早喺2009年 12月11號上畫。佢係迪士尼第49部經典動畫長片。故事係改編格林兄弟作品《青蛙王子》。套戲導演係約翰馬斯加（John Musker），拍過《神探妙鼠》、《小魚仙》、《阿拉丁》、《大力士》以及《星銀島》等迪士尼電影。配樂、音樂製作由蘭迪紐曼（Randy Newman）做。嚮套片入面，阿尼加諾尼露絲（Anika Noni Rose）同主角蒂安娜公主（Princess Tiana）配音，其它配音包括歐普拉溫芙蕾^[1]、基思大衞、珍妮弗路易斯、約翰古德曼、布魯諾坎波斯、特倫斯霍華德咁^[2]。呢部動畫片入選「第82屆奧斯卡金像獎」最佳長篇動畫、最佳歌曲提名。