六四事件紀念活動

出自維基百科,自由嘅百科全書

自1989年6月4號六四事件之後,每年6月4號世界各地華人都會進行集會,紀念有關民主運動事件死難者。其中包括香港維多利亞公園六四燭光晚會,同埋之後出現嘅五區六四集會,即「尖沙咀六四集會」。

中國大陸紀念活動[編輯]

中國大陸,根本冇辦法設立六四網站。八九民運嘅研討,資料嘅收集,同網站嘅設置,基本上都係海外華人同埋有識之士喺度做。美國嘅公共電視台亦製作咗關於八九民運嘅紀錄片。好多以前參加民運嘅人士都已經離開咗中國。只有一啲人重繼續參加中國嘅民主運動。世界各地嘅華人地區,仍然有關於八九民運嘅會議,紀念活動。

中國大陸雖然就六四事件之後變得政治保守,94年重開始推所謂「愛國教育」、仇日排外思想日益增加。不過,民間都有好多紀念活動,例如天安門母親八九民運係中國改革開放必然過程,人民權利爭取必須時刻。近年時代變,由於政治民主社會運動同其他全球化普世價值影響,冇因愛國愛黨「洗腦教育」而消失,令到中國大陸人(特別係經過文化大革命同八十年代,而家一班中年老人家)開始主動關心自己個人權益,就社會唔公平問題會有「維權」主見。另外,新生代亦會受到外來文化影響而向往,如日本文化西餐

港澳地區紀念活動[編輯]

維園六四燭光晚會[編輯]

1990年開始,大中華主義政治團體支聯會每年6月4號晚上會主辦六四燭光晚會(晚會)。晚會係維多利亞公園進行靜坐集合,市民自由參加。不過,自2010年代集合受到考驗,先有梁振英政府批評;曾有特區政府或其他親中派團體,同維園晚會主辦單位鬥快租場;同埋部份新一代對集會,「平反」意義上質疑,有人甚至轉場去尖沙咀六四集會,甚至冇集會。

尖沙咀六四集會[編輯]

2013年舉行首次尖沙咀六四集會(尖咀集會),搞手係本土主義人士,突顯唔同支聯會晚會。有次由熱血公民,同普羅政治學苑政黨做主辦,用「本土、民主、反共」口號,本土思潮配合當時梁振英政府統治問題。集會取消燭光悼念儀式,而加入誓師儀式、焚燒中國共產黨黨旗,同去廣東道自由行等等元素,令集會變成一種本土抗爭運動。2016年,香港復興會城邦派)加入做主辦。有部分支持者聲言,對支聯會集會冇改變,同淪為民主派政黨宣傳平台,而感到反感。

情況[編輯]

支聯會[編輯]

香港每年都有支聯會平反六四紀念晚會活動,紀念六四死難者。

2003年[編輯]

大約五萬名香港人參加十四週年燭光集會,悼念事件同時反對基本法第二十三條立法。支聯會主席司徒華表示,即使有關法例通過,集會都唔會停辦。「反對23,毋忘六四」係當年晚會嘅新主題。一啲以往無出席集會嘅香港人,都破例。群眾坐滿咗維多利亞公園五個足球場。支聯會都播放民運人士丁子霖同學運領袖王丹嘅講話。喺支聯會嘅燭光晚會開始前,香港嘅天主教團體喺維多利亞公園嘅另一角落舉行祈禱會,有三百幾人參加。祈禱會名為「民主中國」,主題係「傾聽良心嘅呼聲,舞動生命嘅熱情」。天主教香港教區主教陳日君,唔介意自己身為教區主教身份,為中國大陸嘅人民祈福,並盼望中國民主改革。

2004年[編輯]

估計有八萬幾人參加維多利亞公園舉行嘅六四十五週年紀念晚會。係1993年以來人數最多嘅一次。上百名"自由行"嘅大陸民眾喺香港參加被中國大陸政府禁止嘅「六四」紀念活動,創下歷年嘅最高紀錄。組織者話收到唔少人民幣捐款,顯然係有一啲大陸民眾參加咗呢個晚會。收到大約四千元人民幣捐款,遠比佢哋喺過去舉辦嘅六四晚會多,過去只係收到一、兩百元人民幣。自一九八九年以來,受訪者平均參加咗五點八次「六四」燭光晚會;四號晚參加集會嘅十五歲或以上市民中,29%屬於首次參加,12%每次都有參加;而回歸以來每次都有參加嘅,就佔22%。

2005年[編輯]

六四事件十六週年,支聯會晚上八時喺維園舉行燭光晚會,晚會開始後冇耐,到場嘅市民坐滿四個足球場。主題係以史為鑒,平反六四。大會播放八九民運錄影片段,同時奏哀樂,稍後有獻花、燃點火炬、致悼辭同默哀一分鐘儀式。現場又有豎立「民主烈士永垂唔朽」紀念碑。由於晚上有雨,參加者唔少都舉起雨傘下,點起燭光。喺晚會開始前,有天主教團體喺維園涼亭舉行祈禱會,悼念六四。

2006年[編輯]

六四燭光晚會,仍然有四萬四千人參加,參加人數同往年差唔多。根據香港大學民意計劃,喺上週四所公佈嘅六四民調結果,喺六四事件過咗十七年後,仍然有百分之五十三嘅市民認為當年北京學生做法正確。有百分之五十六嘅市民,依然認為北京當局要平反八九民運。支聯會近年嘅口號係,教育新一代,接好民主棒。

2012年[編輯]

香港舉辦紀念六四遇難者嘅燭光晚會人數高達18萬人,係歷年最多人參與。

2020年同2021年[編輯]

2020年同2021年,香港警方都以放疫為由反對支聯會維園舉辦燭光晚會。2020年嘅六四燭光晚會,在場人士更加推跌鐵欄進入維園藍球場進行悼念,當中前香港眾志創黨主席羅冠聰、秘書長黃之鋒岑敖暉袁嘉蔚等人亦有出席,一年後被指控涉嫌參與未經批准集結,遭判刑10個月。

反對支聯會[編輯]

親共人士[編輯]

香港親共激進派推出Facebook組織「六四真相」,由李偲嫣聯同多個藍絲群組建立。內容係用文字同原有新聞影片進行加工合成,加入「六四當中無人死」、「見唔到有人中槍死」呢啲宣稱,以此對抗支聯會維園六四燭光晚會。當中相對吸引出位言論有2014年六四25週年前夕,李偲嫣上電台節目表示解放軍無「亂槍掃射」,重話:「解放軍都有死啦,咁你嗰啲唔計嘅....」。藝人黃秋生用簡單一句留言話李偲嫣:「日軍侵華日軍都有死啦...」。支聯會活動當日有參加「平反」集會人士被路人指罵,甚至追打。

本土派別[編輯]

2018年六四天安門事件29週年時,部份本土派團體繼續5年前尖沙咀舉行六四晚會活動,聲稱同支聯會有分別。此類集會曾經有人大叫:「香港獨立」等口號[1]

澳門民主發展聯委會[編輯]

睇埋[編輯]

參考[編輯]