劉以達

出自維基百科,自由嘅百科全書
跳去: 定向搵嘢

劉以達(Lau Yee Tat或者Tats Lau;1963年2月27號—)係香港音樂創作人演員。佢曾經喺搖滾結他比賽裏面獲獎,1980年組成第一支樂隊DLLM。1985年同歌手黃耀明組成樂隊「達明一派」,喺香港非主流音樂界影響深遠。

1990年,逹明一派拆夥,劉以達先後成立咗「劉以達與夢」、「劉以達官立小學」呢兩個組合。1996年推出咗個人專輯《麻木》。佢亦有作曲同做電影配樂,憑住《誘僧》攞咗第三十屆金馬獎最佳電影配樂。

九十年代中後期開始,劉以達參與咗好多齣電影幕前演出,尤其擅長演繹冷面笑匠嘅角色。

2006年,劉以達同一個大陸女仔李璐璐組成咗「達與璐」。