劉秀
出自維基百科，自由嘅百科全書
劉秀（前6年—57年），字文叔，係漢代皇帝。佢恢復因王莽中斷嘅漢治，人稱後漢，或者東漢。佢係呢段時期嘅首任皇帝，死後廟號世祖，謚號光武皇帝，所以後世人稱漢光武帝。
劉秀先祖係漢室成員，但到佢嗰代，都同平民無異。佢住喺南陽（今日湖北棗陽）。佢阿爸做地方縣令，之但係佢又曾經喺街市賣過米。
王莽期間，天下大亂，劉秀同阿哥劉縯，跟住劉玄作反。公元廿三年，劉秀只係用人三萬，就打贏咗王莽嘅軍隊，聲望越嚟越勁。公元廿五年，劉秀終於坐上皇帝位，恢復國號「漢」，定都洛陽。
劉秀在位期間，逐漸剷除羣雄，又降低賦稅，興修水利，恢復咗當時疲弱嘅經濟。有人叫呢段時期做光武中興。
公元五十七年，佢死喺宮內，享年六十三歲，在位卅三年。
目錄 |
家族 [編輯]
后妃 [編輯]
仔 [編輯]
參攷 [編輯]
- 《後漢書》《光武帝紀》
