加密電子貨幣

出自維基百科,自由嘅百科全書
跳去: 定向搵嘢

加密電子貨幣電子貨幣中文電子貨幣一種,設計基於密碼學原理、人人都可以發行、總發行量通常事先固定。佢基於事先定好並且安裝落各電腦嘅一個協議同埋點對點網絡來運作。

原理[編輯]

目前市面上嘅加密電子貨幣都係基於工作量驗證系統英文proof-of-work system。即係話雖然理論上每個人都可以獨立發行加密電子貨幣,但係佢喺發行之前必須證明佢付出過一定嘅努力,噉就可以有效防止濫發。具體來講,發行之前需要先解決一個複雜數學問題(爾個過程又叫做挖礦),爾個問題除咗將所有可能解一個個噉去試去撞之外(窮舉法中文窮舉法)無其它辦法解決,噉就需要大量時間同計算資源。另一方面,個數學問題解決咗之後,每個人都可以用極少嘅計算資源來驗證個答案啱唔啱。總結起身就係,印爾種銀子要付出好多,但係要驗佢係勿偽鈔就個個都做得。

同傳統貨幣嘅區別[編輯]

加密電子貨幣並非由國家中央政府中文中央政府或者金融機構、銀行發行,無一個發行中心。爾種貨幣嘅價值基本上來自佢嘅稀缺性,爾種稀缺性來自於經過精心設計嘅網絡協議。

通脹問題[編輯]

長遠來睇,傳統貨幣一般會出現通脹中文通貨膨脹。加密電子貨幣嘅總發行量一開始就已經固定,而且隨著時間推移挖礦得到嘅報酬衹會不斷減少,到最後挖礦將會無辦法產生新嘅貨幣,因為噉,從一開始就保證咗加密電子貨幣嘅稀缺性,而且隨著時間推移衹會越來越稀缺,所以從理論上講長遠來睇加密電子貨幣衹會持續升值而唔會貶值。另一方面,個數學問題嘅難度係根據最近一段時間嘅發行情況做調整,來保證一段時間(比如10分鐘)衹會新發行一定量嘅貨幣(比如25個比特幣)。所以就算有一日大家計算能力突然增加,原本要解10日嘅數學問題而今1日就解完,都唔會導致貨幣大幅貶值,因為個點對點網絡會好快自己作出反應,將問題嘅難度增加到原來嘅10倍。

同一般虛擬貨幣嘅區別[編輯]

同一般虛擬貨幣(遊戲幣)等等淨係可以買虛擬產品或者互聯網服務唔同,加密電子貨幣係一種真正可以用來買現實世界嘅嘢嘅貨幣,目前已經有好多商店同機構肯接受虛擬電子貨幣。佢亦有自己嘅匯市中文外匯市場同埋同傳統貨幣之間嘅匯率中文匯率

工作量驗證[編輯]

目前大多數加密電子貨幣採用SHA-256同Scrypt工作量驗證系統,另外有部分加入咗權益驗證系統英文proof-of-stake作為補充。

歷史[編輯]

第一種(亦係目前市值中文市值最大嘅)加密電子貨幣係比特幣。佢係2009年由一個筆名中本聰嘅人發明嘅。第二種(亦係目前市值第二大嘅)係萊特幣中文萊特幣,2011年發明。之後2011到2013年間新出咗好多品種,而今內地通常將影響力比較細嘅林林種種嘅其它電子貨幣叫做「山寨幣」。