匈奴

出自維基百科,自由嘅百科全書
跳去: 定向搵嘢
漢朝時匈奴嘅活動範圍

匈奴係古代響歐亞大陸生活嘅游牧民族,響中原北面立,之後五胡十六國時期入中原搞過地方政權,最後匈奴人同中原民族融合埋一齊。

匈奴嘅歷史據部分文獻指出,係夏朝中原一啲部落嘅後裔[1]。早喺上古時代就遷入到今日蒙古一帶。佢哋以畜牧為生,因為生活環境惡劣,成日都入侵中原。秦朝嗰陣秦始皇曾經派兵攻打匈奴,但呢個時候匈奴勢力開始越嚟越大。

匈奴同漢朝基本上有好緊密嘅關係。由西漢東漢都係咁。漢武帝成日派兵攻伐,之但要等到西漢後期匈奴內訌之後先至穩定啲。

東漢初期匈奴分裂成北匈奴同埋南匈奴。南匈奴投靠東漢,並開始漢化;而北匈奴就越嚟越衰弱,之後重俾東漢同埋南匈奴聯手打敗,一路向西邊走。東漢後期匈奴人開始南移,進入中原地區。

兩晉至南北朝時期,匈奴人曾經喺中原北部搞過幾個地方政權。南北朝後期,匈奴基本上已融入漢族。

參考[編輯]

  1. 史記·匈奴列傳》記載:「匈奴,其先祖夏后氏之苗裔也,曰淳維。」
  • 陳序經,《匈奴史稿》