十二碼

出自維基百科,自由嘅百科全書
跳去: 定向搵嘢

十二碼,又叫做點球,喺足球比賽入面,守方球員喺自己禁區內犯規而判罰嘅一種定位球。由於十二碼一般入球率喺90%以上,俾人罰嗰隊差唔多係毫無反抗能力,因此被叫做足球嘅極刑,有時講波佬索性用極刑或「被處以極刑」嚟取代「十二碼」呢個稱呼。

互射十二碼[編輯]

喺一般淘汰賽入面,如果喺法定時間完場、加時上下半場共30分鐘入面都分唔出勝負,就會以互射十二碼嘅方式決勝負,雙方各派出五人梅花間竹噉輪住嚟射。頭五輪就以入波多啲嗰隊贏,如果打完頭五輪都分唔到勝負,就會進入突然死亡階段,到時任何一方射入而另一方射失,場波就會完。互射十二碼勝方就會贏咗成場比賽。