半導體激光

出自維基百科,自由嘅百科全書
Q-Line 纖綠半導體連續激光器(可見光)

半導體激光(Semiconductor laser),又叫半導體雷射,係激光一種。1962年成功激發,喺1970年實現室溫下連續發射。後尾改良過,研究出雙異質接合型激光,以及條紋型構造嘅激光二極管(Laser diode)等,廣泛使用喺光纖通信、光碟、激光打印機、激光掃描器激光筆,係目前生產量最大嘅激光器。

喺基本構造上,佢屬於半導體嘅P-N接面,但激光二極管係以金屬包層從兩邊夾住發光層(活性層),係「雙異質接合構造」。而且喺激光二極管入面,將界面作為發射鏡(共振腔)使用。喺使用材料方面,有(Ga)、(As)、(In)、(P)等。另外喺多重量子井型入面,又使用Ga·Al·As等。

由於有條狀結構,就算好微細電流,都會增加活性區域嘅居量反轉密度,優點係激發容易呈現單一形式,而且,壽命可達10~100萬個鐘。

激光二極體優點,效率高、體積細、重量輕而且價格低。尤其係多重量子井型嘅效率有20~40%,P-N型都達到數%~25%,總之能量效率高係佢最大特色。另外,佢嘅連續輸出波長涵蓋咗紅外到可見光範圍,而光脈衝輸出達50W(頻寬100ns)等級嘅產品都已經商業化,作為激光雷達或者激發光源可以話係非常容易使用嘅激光例子。

出面網頁[編輯]