卡位

出自維基百科,自由嘅百科全書
跳去: 定向搵嘢

卡位(Booth Seat)係類似舊時火車卡,面對面嘅包廂形式座位,中間隔住有張,可以供人食用,擺嘢,傾生意,傾保險……等等;最少可以有一人坐一邊嘅兩人卡位,同埋最多可以兩邊加埋坐六至八個不等嘅多人式坐位。

最常見到卡位嘅地方係一啲茶餐廳同埋西餐廳裡面,不過而家好多中菜酒樓同埋一啲特色食肆或者咖啡小店好似星巴克(Starbucks)咁,都特登整啲卡位,等人客有個私人空間嘅感覺。

好多高級少少嘅地方嘅卡位都會採用梳化設計,等人客可以坐得舒舒服服,但係一般嘅茶餐廳之類就會簡單咁用,因為比較易清潔同埋唔駛太多嘅保養。

除咗餐廳食肆會搵到卡位之外,其實喺一啲交通工具上面都可以發現到,好似一啲行走內地火車就有卡位。而喺香港,往來市區同離島嘅某啲渡海小輪上面都會搵到類似卡位嘅座位。

參考文章[編輯]