卡達菲

出自維基百科,自由嘅百科全書
跳去: 定向搵嘢
卡達菲

卡達菲Muammar Abu Minyar al-Gaddafiaudio 個快勞1942年6月2011年10月20號)係利比亞革命領導人。1969年政變推翻利比亞王國,成為利比亞領袖到死。

美國總統列根鬧過卡達菲係「癲狗」,指佢係搞柏林爆炸案嘅黑手。[1]

卡達菲

1998年起,卡達菲提倡「泛非主義」同埋「非洲合眾國」嘅理念。而早喺1982年1983年,卡達菲已經做過「非洲統一組織」(家下叫非洲聯盟)主席。

政治上,卡達菲被認為係獨裁者,不過喺伊拉克戰爭之後態度明顯有變,開始同西方國家搞好關係,決定唔再發展核武,又肯賠償畀洛克比空難嘅遇難者家屬。2006年5月,利比亞同美國恢復邦交。

2011年初開始,利比亞有示威要卡達菲落台,卡達菲派軍鎮壓,卒之搞到內戰。內戰爆發之後,西方國家就同佢畫清界線,以北大西洋公約組織為首發動軍事行動,對卡達菲嘅勢力猛烈空襲。同年8月,反對派攻陷的黎波里,卡達菲唔知去咗邊。2011年10月,卡達菲喺鄉下蘇爾特同第四仔一齊俾敵人捉到,之後冇耐傷重死咗,有人懷疑佢係畀人「私下處決」。

卡達菲喺死後五日,同佢第四仔一齊葬喺一個秘密地方。

參考[編輯]