厄利孔20毫米機炮

出自維基百科,自由嘅百科全書
跳去: 定向搵嘢

厄利孔20毫米機炮英文Oerlikon 20 mm cannon),係瑞士奧利崗公司開發嘅一種小口徑機炮。響第二次世界大戰嗰陣,呢種火炮被德國美國英國日本等等嘅國家廣泛採購同埋仿製[1],既被用作航空機炮,亦都被用作水面艦艇嘅防空炮。

[編輯]

第一次世界大戰期間,一個德國人萊因霍爾德·貝克(Reinhold Becker)開發咗一種20毫米口徑嘅機關炮。1919年,一間瑞士公司買咗個設計方案,後嚟呢間公司俾厄利孔公司收購,厄利孔以貝克嘅設計為基礎,響二戰之前開發出FF、FFL、FFS等多個版本嘅20毫米機炮,後嚟又分別以FF同FFL為基礎開發九九式一型、二型航空炮[2]日本陸軍就以FFL為基礎開發咗九四式20毫米機關炮[3],德國亦都研究出MG_FF機炮,英國陸軍又將部分厄利孔用作防空武器。1935年,美國海軍買咗厄利孔機炮嘅早期版本,響1942年開始用。

時至今日,孟加拉菲律賓洪都拉斯重保留咗少量嘅20毫米厄利孔機關炮。[4]

設計[編輯]

厄利孔機關炮採用嘅係提前擊髮式(advanced primer ignition,API)後座作用[5]

呢種機關炮好易上手,響30秒之內可以換完炮管。大部分厄利孔機炮都使用簡單嘅環形瞄準具,亦都有少量嘅機炮裝備咗由麻省理工學院設計嘅Mk.14型瞄準裝置。1944年9月,美國開始測試雙聯裝嘅版本。二戰末期,雙聯裝甚至四聯裝嘅版本開始取代單裝厄利孔,其中有尐甚至有動力聯動系統,重可以用Mk51指揮儀同埋操縱桿操縱。[4]

參考[編輯]